Aýyr atletıkadan jastar arasyndaǵy álem chempıonatynda Qazaqstan quramasy eki altyn medal jeńip aldy, dep habarlaıdy “Adyrna” ulttyq portaly Ulttyq Olımpıada komıtetiniń aqparatyna siltep.
«Aýyr atletıkadan Qazaqstan jastar quramasynyń ókili Nurdos Sabyr Lımada (Perý) álem chempıony atandy. 89 kelige deıingi salmaqta oǵan teń keler eshkim bolmady. Qossaıys boıynsha ziltemirshi 333 (148+185) keli kóterdi», - delingen habarlamada.
Málimet boıynsha, Aıanat Jumaǵalı ekinshi altyndy jeńip aldy. Ol 76 kelige deıin salmaqta oza shapty. Onyń sońǵy nátıjesi 222 (97+125) keli boldy.
Ekinshi oryn Valerık Movsesıanǵa (Armenııa) buıyrdy - 329 keli. Bekzod Gofırjonov úshinshi nátıje kórsetti – 324 keli.
«Ótken jyly Sabyr álem chempıonatynda ekinshi oryn alǵan bolatyn. Qazaqstan quramasynyń enshisinde eki júlde bar. Buǵan deıin Aqjol Qurmanbek 67 kelige deıingi salmaq dárejesinde kúmis alǵan bolatyn», - dep tolyqtyrdy komıtettiń baspasóz qyzmeti.
