Ásem Orynbaı Qatar memleketiniń astanasy Dohada ótip jatqan nysana kózdeýden Álem Kýbogynyń fınalynda altyn medal jeńip aldy. Bul týraly Týrızm jáne sport mınıstrligi Sportty damytý dırekııasynyń baspasóz qyzmeti jazdy, dep habarlaıdy «Adyrna» tilshisi.
Ulttyq qurama sportshysy stend atýdyń skıt baǵdarlamasynda aqtyq synǵa shyǵyp, 51 ball jınady. Kıara Dı Marıantonıo (Italııa) 50 nysana dál kózdep kúmis júldege ıe bolsa, qola medal Danııa Djo Vııdiń (AQSh) enshisinde. Bul synda 3 dúrkin Olımpıada chempıony Kımberlı Roýd (AQSh) júldege bir taban jetpeı toqtady (34 upaı).
Qazaq mergeni qazir ISSF reıtınginde 7-orynda kele jatyr.
«Óte baqyttymyn. Jarysta kún raıy qolaıly boldy dep aıta almaımyn. Sát saıyn jel turyp, «tosyn syı» jasap jatty. Soǵan qaramastan úzdik shyqtym. Bul osy maýsymdaǵy sońǵy jarys. Bar oıym laıyqty óner kórsetý boldy»,-dedi sportshy.
Aıta keteıik, bıylǵy maýsymda Ásem Orynbaı ár jarysta turaqty óner kórsetip, birneshe ret tuǵyr bıigine kóterildi. Mamyrda Almatyda ótken reıtıngtik Álem Kýbogynda jekeleı synda top jaryp, izin ala áriptesi Edýard Eenkomen birlesip, kúmis júldeger atandy. Jazda Lonatodaǵy (Italııa) Álem Kýbogynda aralas juptar arasynda (Edýard Eenkomen) 3-oryn alǵan.
Halyqaralyq nysana kózdeý federaııasy (ISSF) mundaı fınaldy araǵa 4 jyl salyp uıymdastyryp otyr. Básekede 42 elden kelgen 179 úzdik mergen baq synaýda.
