Magdebýrg turǵyndary rojdestvolyq jármeńkede bolǵan shabýyl qurbandaryn eske alýǵa jınaldy. Qurbandardy eske alý rásimi 21 jeltoqsan kúni keshke ótti, dep habarlaıdy "Adyrna" ulttyq portaly. Bul týraly KNA agenttigi habarlady.
Keshe keshke birneshe júz adam Magdebýrg lıýteran shirkeýine jınaldy. Onda protestant jáne katolık epıskoptarynyń qatysýymen ekýmenıkalyq qyzmet ótti. Shabýyl ornynda jumys istegen qutqarýshylar men tótenshe jaǵdaı qyzmetkerleriniń kópshiligi osy rásimge qatysty.
Qyzmetke Germanııa prezıdenti Frank-Valter Shtaınmaıer, kanler Olaf Shol jáne Saksonııa-Anhalt premer-mınıstri Raıner Hazeloff qatysty. Sýyq pen jańbyrǵa qaramastan, júzdegen adam qyzmetti hram aldyndaǵy shirkeý alańynda úlken ekran arqyly baqylap turdy. Dál 19:04-te, qylmystyń bolǵanyna 24 saǵat tolǵanda, qalanyń barlyq shirkeý qońyraýlary soǵyldy.
Jeksenbi, 22 jeltoqsan kúni tańerteń birneshe júz adam Magdebýrgtegi Áýlıe Ioann lıýteran shirkeýine jınaldy. Bul shirkeý Alter Markt alańynan 100 metr qashyqtyqta ornalasqan. Shabýyl dál osy jerde boldy. Osy shirkeýdiń janynda gúlder, shyraqtar men oıynshyqtardan turatyn stıhııaly memorıal paıda boldy.
KNA agenttiginiń málimetinshe, senbi keshinde Magdebýrg ortalyǵynda ýltraońshyldardyń akııasy da ótti. Bul akııaǵa birneshe júz adam jınalyp, olardyń basty plakatynda «qaıta emıgraııa» talaby jazylǵan edi.
Eske sala keteıik, 20 jeltoqsan kúni Magdebýrgtegi rojdestvolyq jármeńke qonaqtaryna jasalǵan shabýyl nátıjesinde bes adam, onyń ishinde 9 jasar bala qaıtys boldy, 200-den astam adam jaraqat aldy. Shabýyldy jasaǵan Saýd Arabııasynan kelgen, 2006 jyldan beri Germanııada turatyn, ıslamnan bas tartqan 50 jastaǵy dáriger Taleb A. tutqyndaldy. Sot ony qamaýǵa alý týraly order berdi. Tergeýshiler shabýyldy ıslamızm negizindegi lańkestik dep sanamaıdy.
Memleket basshysy Qasym-Jomart Toqaev Germanııa Prezıdenti Frank-Valter Shtaınmaıerge kóńil aıtý jedelhatyn jiberip, marqumdardyń týǵan-týystaryna kóńil aıtatynyn jetkizdi.
