Almatyda auyl balalaryna arnalǧan «AUYL SPORT-2024» respublikalyq ligasy bastaldy, dep habarlaidy "Adyrna" ūlttyq portaly.
Bügın, 21 jeltoqsanda Almaty qalasyndaǧy «Dostyq» sport keşenınde auyl balalarynyŋ qatysuymen «AUYL SPORT-2024» respublikalyq ligasynyŋ aşylu saltanaty öttı. Auqymdy şaraǧa elımızdıŋ är öŋırınen 1300-den astam jas sportşy jinaldy.
Jobanyŋ bas demeuşısı ärı ūiymdastyruşysy – «Halyq» qaiyrymdylyq qory. Serıktester qatarynda Qazaq sport jäne turizm akademiiasy, QR Oqu-aǧartu ministrlıgı, Ūlttyq ǧylymi-praktikalyq dene tärbiesı ortalyǧy jäne Almaty qalasy sport basqarmasy bar.
«AUYL SPORT» jobasy 2023 jyldyŋ qazan aiynda «Halyq» qorynyŋ bastamasymen qolǧa alynyp, auyl jastarynyŋ sportqa qyzyǧuşylyǧyn arttyrudy, sportty nasihattaudy jäne auyldyq jerlerde būqaralyq sportty damytudy maqsat etedı. Sonymen qatar, joba auyldyq jattyqtyruşylardyŋ bılıktılıgın arttyruǧa baǧyttalǧan.
Respublikalyq ligada boks, erkın küres, karate, basketbol, voleibol jäne şahmattan saiystar ötkızıledı. Būl jarystarǧa elımızdıŋ 17 oblysynda ötken öŋırlık liganyŋ jeŋımpazdary qatysuda. Turnir qūrylymy:
- Erkın küres pen boks – 2010-2012 jyly tuǧan balalar arasynda 6 salmaq därejesı;
- Basketbol jäne voleibol – 2009-2011 jyly tuǧan qyzdar men ūldar komandalary arasynda;
- Şahmat – 10 jasqa deiıngı jäne 14 jasqa deiıngı ūldar men qyzdar arasynda.
«Sport tek densaulyqtyŋ kepılı emes, sondai-aq bolaşaq chempiondardy tärbieleitın orta. Bız auyldyq jerlerde sportty damyta otyryp, ūlttyŋ bolaşaǧyna investisiia salamyz», – dedı Ümıt Şaiahmetova.Şaraǧa Olimpiada chempiondary Ermahan İbraimov pen Nūrbaqyt Teŋızbaev qūrmettı qonaq retınde qatysty. Olar jas sportşylarmen kezdesıp, öz täjıribelerımen bölıstı. Merekelık atmosferany köteru maqsatynda patriottyq änder şyrqalyp, ūlttyq biler oryndaldy. Sonymen qatar, Qajymūqan Mūŋaitpasūlynyŋ ömırıne arnalǧan qoiylym jas sportşylarǧa ruh berıp, erekşe sezım syilady. «AUYL SPORT» jobasy – «Halyq» qorynyŋ balalar men jasöspırımderdı qoldauǧa jäne auyldyq sportty damytuǧa baǧyttalǧan maŋyzdy bastamalarynyŋ bırı. Qor būǧan deiın osy salaǧa 500 million teŋgege juyq qarjy bölıp, 120-dan astam äleumettık jobany jüzege asyrdy.
Ūqsas jaŋalyqtar
