«Qazaqmys» korporasiiasy şahterlerdıŋ küş qūrylymdarynan qysym körgenı turaly mälımdemesın joqqa şyǧardy, dep habarlaidy "Adyrna" ūlttyq portaly QazTAG-qa sılteme jasap.
«Qazırgı uaqytta «Qazaqmys» korporasiiasynyŋ käsıporyndarynda jaǧdai tūraqty. Keibır mälımdemelerge qaramastan, kompaniianyŋ basşylyǧy men qūqyq qorǧau organdary tarapynan eşqandai qysym körsetılmedı. Jezqazǧan mys qorytu zauyty, Jaisan, Şatyrkül, Saiaq ken oryndary, sondai-aq Jylandy, Jomart, Batys jäne Şyǧys ken oryndaryndaǧy būrǧylau brigadalarynyŋ jūmysy qaitadan bastaldy», - delıngen «Qazaqmys» korporasiiasynyŋ jūma küngı mälımdemesınde.
Korporasiia jaǧdaidy tez arada şeşuge müddelı ekenın alǧa tartady.
«Būǧan deiın korporasiia 13-şı ailyq jalaqyǧa qosymşa 30% syiaqy töleu jäne toqsan saiynǧy syiaqy şarttaryn oryndaǧanyn rastady. Sonymen qatar, 2025 jyldyŋ 1 qaŋtarynan bastap jalaqyny 8,5%-ǧa indeksasiialau ūsynysy küşınde qalatynyn aitty. Qyzmetkerlerdıŋ jalaqysy negızgı jäne syiaqy bölıkterınen tūrady. Syiaqylar öndırıstık jospardyŋ oryndaluyna qaramastan tölenedı. Osyǧan bailanysty qazırgı taŋda ortaşa jalaqy 730 431 teŋgenŋ qūraidy. Būl Qazaqstandaǧy ortaşa jalaqydan ekı ese joǧary», - dep mälımdedı kompaniia.
«Qazaqmys» korporasiiasy 40 myŋǧa juyq qyzmetkerdıŋ ūsynylǧan şarttardy qoldaǧanyn, al 65 şahta qyzmetkerlerınıŋ ǧana qarsy ekenın aitty.
«Qol jetkızgen uaǧdalastyqtarǧa säikes, jūmys jalǧasyp jatqan nemese qaita bastalǧan nysandarda 13-şı jalaqyǧa üstemeaqy tolyǧymen tölendı. Sondai-aq «Qazaqmys» korporasiiasy kenışterdegı jūmysşylardy ystyq tamaqpen qamtamasyz etudı jalǧastyruda jäne jaǧdaidy mümkındıgınşe tezırek şeşu üşın syndarly dialogqa ūmtylatynyn rastaidy», - delıngen habarlamada.
«Qazaqmys» korporasiiasy Ūlytau oblysyndaǧy bır şahtaǧa polisiia qyzmetkerlerınıŋ kelgenı turaly taraǧan beinemazmūndarǧa tüsınıkteme bermedı. Eske salsaq, «Qazaqmys» korporasiiasynyŋ 200-ge juyq jūmysşysy Sätpaev qalasynda 17 jeltoqsanda ereuıl bastady. 19 jeltoqsan tünınde «Qazaqmys» şahterlardyŋ jalaqysyn 100%-ǧa köteruge niettı emes ekenın, al ereuılşıler qysym körsetılgenın mälımdedı. 20 jeltoqsan taŋerteŋ «Qazaqmys» Jambyl oblysyndaǧy kenışpen kelısımge kelgenın habarlasa, künnıŋ ekınşı jartysynda Ūlytau oblysyndaǧy bır şahtaǧa «Qazaqmys» korporasiiasynyŋ qara kiım kigen polisiia qyzmetkerlerı engızılgenı turaly habarlar tarady. Soǧan bailanysty şahterler Prezidentke ündeu jasap, qysym körsetılgenın mälımdedı.Ūqsas jaŋalyqtar
