Sätbaevqa “qara qar” tüsken. Mamandar būl jaǧdaidy “Kazakhmys Distribution” JŞS qazandyǧynan şyqqan gazǧa bailanysty ekenın aitty, dep habarlaidy “Adyrna” ūlttyq portaly QazTagqa sılteme tastap.
Departamenttıŋ bergen jauaby boiynşa, Sätbaevqa janbaǧan kömırdıŋ şaŋy tüsken.
“2024 jyldyŋ 31 qaŋtarynda kündız Sätbaev qalasynyŋ tūrǧyndarynyŋ barlyǧy derlık “qara qardyŋ» tüskenıne kuä boldy. Qara qardyŋ tüsuıne «Kazakhmys Distribution JŞS-nıŋ qazandyqtaǧy paidalanylǧan gazdardan auanyŋ lastanuy sebep bolǧany anyqtaldy”, - dep jauap berdı Ūlytau oblysy boiynşa ekologiia departamentı.
Ekologtardyŋ aituynşa, "Qazaqmys Distribution" qazandyǧynyŋ barlyq jabdyqtary moraldyq tūrǧydan eskırgen jäne tazartu qūrylystarynyŋ dūrys jūmys ıstemeuı baiqalǧan, jabdyqty germetizasiialau boiynşa bırqatar būzuşylyqtar anyqtalǧan. Sonymen qatar, qazandyq külı joǧary kömırdı tūtynuǧa arnalǧan jäne ony külı az kömırge auystyru tehnikalyq jaǧdaida mümkın emes ekenı aityldy. Kompaniia bırneşe ret äkımşılık jazaǧa tartyldy jäne oǧan nūsqamalar berıldı. Al aqpan aiynda mamandar qazandyqty tekseruge uäde beredı.“Adyrna” ūlttyq portaly
Ūqsas jaŋalyqtar
