Qazaqstannyŋ memlekettık keŋesşısı Erlan Qarinnıŋ Qytai sapary kezınde Jenmin universitetındegı baiandamasy qytailyq qoǧamda qyzu pıkırtalas tudyrdy, dep habarlaidy "Adyrna" ūlttyq portaly.
22 qaraşada Erlan Qarin «Qazaqstannyŋ reformasy jäne Qytai-Qazaqstan tūraqty jan-jaqty strategiialyq ärıptestıgı» taqyrybynda därıs oqydy. Därıs soŋynda Qytai Memlekettık keŋesı Damudy zertteu ortalyǧynyŋ mamany, reseitanuşy ǧalym Van Sianju qoiǧan sūraq oqyrmandar arasynda keŋ talqylanyp, ǧalymnyŋ özı synnyŋ astynda qaldy.
Van Sianju Qazaqstandaǧy bala tuu körsetkışıne taŋdanysyn bıldıre otyryp, öz elınde äielderdıŋ tūrmysqa şyǧuǧa jäne bala tuuǧa qūlyqsyz ekenın atap öttı.
«Qazaqstanda barlyq jerde balalardy kördım. Būl memleketıŋızdıŋ qoldau saiasatynyŋ nätijesı boluy mümkın. Al Qytaida äielder bala tuuǧa yntasyz. Olardy ülkender de, basşylar da köndıre almaidy. Qazaqstanda äielderdı erte ärı köp balaly boluǧa qalai köndıresızder?», - dep sūraq qoiǧan.
Būl sözder äleumettık jelıde qyzu talqyǧa tüsıp, qytailyq äielderdıŋ narazylyǧyn tudyrdy.
Al QR Memlekettık keŋesşı Erlan Qarin äielderdı eşqaşan mäjbürleuge bolmaitynyn kesıp aitty. Ol Qazaqstandaǧy äielderdıŋ qūqyqtary, adam qūqyǧyn qorǧau jäne balalar qauıpsızdıgı mäselelerınde maŋyzdy reformalar jasalǧanyn atap öttı. Sonymen qatar, ol Qazaqstandaǧy Ūlttyq qordan jaŋa tuǧan ärbır balaǧa dividend bölınetının, būl mehanizm eldegı äleumettık qoldaudyŋ maŋyzdy qūraly ekenın jetkızdı.
Būl dialog qytailyq internette ülken pıkırtalas tudyrdy. Keibır qoldanuşylar Erlan Qarinnıŋ jauabyn joǧary baǧalap, ony örkeniettı jäne batyl dep atady.
70 jastaǧy Van Sianju Resei jäne Ortalyq Aziia mäselelerı boiynşa sarapşy. Alaida būl oqiǧa onyŋ bedelıne syzat tüsırdı. Qytaidyŋ Jenmin universitetı oqiǧadan keiın būl sūhbatty öz saitynan öşırıp tastady.
Ūqsas jaŋalyqtar
