Memleket basşysynyŋ Jarlyǧymen Erlan Qarin Prezident Äkımşılıgı basşysynyŋ bırınşı orynbasary bolyp taǧaiyndaldy, dep habarlaidy "Adyrna" tılşısı.
Būl turaly Aqordanyŋ baspasöz qyzmetı habarlady.
Jarlyqqa säikes, Erlan Qarin būryn atqarǧan memlekettık keŋesşı qyzmetınen bosatyldy.
Erlan Qarin 1976 jylǧy 26 mamyrda Türkıstan oblysynyŋ Aqsu auylynda düniege kelgen. Ol – saiasattanuşy, saiasat ǧylymdarynyŋ kandidaty, ūlttyq qauıpsızdık jäne terrorizm mäselelerın zerttegen sarapşy.
1997 jyly Q. Jūbanov atyndaǧy Aqtöbe memlekettık universitetınıŋ tarih fakultetın, al 1999 jyly Äl-Farabi atyndaǧy Qazaq ūlttyq universitetınıŋ filosofiia jäne saiasattanu fakultetınıŋ aspiranturasyn tämamdaǧan.
Eŋbek jolynda joǧary oqu ornynda oqytuşy, ǧylymi-zertteu ūiymdarynyŋ qyzmetkerı, saiasi zertteuler agenttıgınıŋ direktory, Premer-ministrdıŋ ştattan tys keŋesşısı, Maŋǧystau oblysy äkımınıŋ keŋesşısı qyzmetterın atqarǧan.
Sondai-aq Prezident Äkımşılıgınıŋ ışkı saiasat bölımın basqardy, «Nūr Otan» partiiasynyŋ hatşysy boldy, Prezident janyndaǧy Qazaqstan strategiialyq zertteuler institutyn jäne «Qazaqstan» respublikalyq teleradiokorporasiiasyn basqardy.
2019 jyldan bastap Prezidenttıŋ keŋesşısı, keiın saiasi mäseleler jönındegı kömekşısı qyzmetterın atqardy. 2022 jylǧy 5 qaŋtardan berı memlekettık hatşy, keiın memlekettık keŋesşı lauazymynda jūmys ıstedı.
