QR Premer-mınıstri Oljas Bektenov Qostanaı oblysyna jumys sapary barysynda óńirdegi zaýyttar men kásiporyndardy aralap, óndiris basshylyǵy jáne ujymdarymen kezdesýler ótkizdi, dep habarlaıdy “Adyrna” ulttyq portaly.
Jıyn barysynda biryńǵaı ýaqyt beldeýine kóshý máselesi de kóterildi. Qostanaı oblysy turǵyndarynyń aıtýynsha, 6-shy ýaqyt beldeýi tabıǵı ýaqytpen sáıkes kelmeıtindikten, bul másele buǵan deıin de birneshe ret kóterilgen.
Premer-mınıstr Oljas Bektenov tabıǵı ýaqyttyń azamattardyń densaýlyǵy men ómir sapasyna oń áseri ǵylymı dáleldengenin aıtty. Ol 2017 jyly Nobel syılyǵynyń laýreattary adamnyń ırkadııalyq yrǵaǵyn zertteý arqyly tabıǵı ýaqyttyń mańyzdylyǵyn dáleldegenin eske saldy.
"Qazaqstan úshin tabıǵı ýaqyt beldeýi — UTC+5. Buryn biz tabıǵı emes UTC+6 beldeýinde boldyq. Bul sheshim keıbir adamdarǵa bastapqyda qolaısyzdyq týdyrýy múmkin ekenin túsinemin, biraq aǵza birtindep beıimdeledi. Eger óńirlerde qıyndyqtar týyndasa, ınfraqurylymdy jaqsartý, jaryqtandyrýdy arttyrý jáne yńǵaıly jumys kestelerin engizý arqyly máseleni sheshetin bolamyz," — dedi Bektenov.
Sonymen qatar, zaýyt ujymdarymen kezdesýde Memleket basshysynyń bastamasymen jarııalanǵan "Jumysshy mamandyqtary jyly" aıasynda eńbek jaǵdaılaryn jaqsartý jáne jumysshylardy qoldaý sharalary talqylandy.
