15 jeltoqsan kúni Almatyda Qazaqstannyń táýelsizdigin jarııalaǵan Joǵarǵy keńestiń tóraǵasy, kórnekti memleket qaıratkeri, ekonomıst ǵalym Serikbolsyn Ábdildın týraly derekti fılmniń tusaýkeseri ótti, dep habarlaıdy «Adyrna» tilshisi.
«Tóraǵa Ábdildın» atty týyndynyń rejısseri — Qanat Tileýhan. Fılmde táýelsizdikten bergi oqıǵalar qamtylǵan. Ár jyldary bergen suhbattarynan, túrli jınalys-kezdesýlerde aıtqarynan úzindiler keltirilip, sol kezeńniń oqıǵalary baıan etiledi.
«Conaý toqsanshy jyldardyń basynda Serikbolsyn Ábdildın oblys ákimderine deıin saılaımyz dep parlament minberinen sóılep edi. Prezıdenttiń qolyna barlyq quzyrdy bermeıtin Konstıtýııa qabyldady. Árıne, áriptesterimen. Bir ǵana mysal, parlament konstıtýııalyq sotty, joǵarǵy sot tóraǵasyn saılaıtyn. Bas prokýror men Ulttyq bank tóraǵasyn taǵaıyndaıtyn. Ókinishke qaraı, Qazaqstan Ábdildınniń konstıtýııasymen eki-aq jyl ómir súrdi. Biz túsirgen fılmde keıipkerimizdiń memlekettik tilge konstıtýııadan qalaı mártebe alyp bergeni jaıly da aıtylady»,—deıdi rejısser.
Qanat Tileýhan aldaǵy ýaqytta týyndynyń YouTube-ke júktelip, kópshilikke usynylatyn atap ótti.
Serikbolsyn Ábdildın 1967 jyldan bastap Qazaq SSR josparlaý komıtetinde biraz ýaqyt boıy jumys istedi. Keıinnen aýyl sharýashylyǵy mınıstrliginde basshylyq qyzmetin atqarsa, keıinnen Qazaq SSR mınıstrler keńesiniń Máskeýdegi ókili boldy. Al 1990 jyly HII shaqyrylymdaǵy Qazaq SSR Joǵarǵy Keńesiniń depýtaty, keıin Joǵarǵy Keńes tóraǵasynyń orynbasary, 1991 jyldyń qazanynan 1993 jyly 13 jeltoqsanda Joǵarǵy Keńes taratylǵanǵa deıin onyń tóraǵasy bolǵan.
Serikbolsyn Ábdildın basshylyq etken ýaqytta Joǵarǵy Keńes 1991 jyly 16 jeltoqsanda "Qazaqstannyń memlekettik táýelsizdigi týraly" deklaraııany qabyldaǵan. Keıin Nazarbaev saıasatyna qarsy bolyp, oppozıııaǵa ketti. Nazarbaevty jıi synaıtyn. Onyń aıtqandaryn Nazarbaev joqqa da shyǵarmady, rastamady da.
Qazaqstan kommýnıstik partııasy tóraǵasy bolǵan Ábdildın Qazaqstannyń birinshi prezıdenti Nursultan Nazarbaev ornatqan avtorıtarly bılik júıesin ashyq ta qatań synady. Ol 1999 jyly 10 qańtarda kezekten tys ótken prezıdent saılaýyna Nazarbaevpen básekeles kandıdat retinde qatysty. Saılaýdyń resmı qorytyndysy boıynsha, saıasatker az daýys jınaǵan. Biraq Ábdildın "saılaý nátıjesi burmalandy" dep málimdedi.
Saıasatker 2019 jyly 31 jeltoqsanda 83 jasqa qaraǵan shaǵynda qaıtys boldy.
