Qostanaı oblysy prokýratýrasynyń jeke qaýipsizdik basqarmasy Arqalyq qalasy prokýrorynyń orynbasaryna qatysty tekserý júrgizdi. Tekserý nátıjesi boıynsha qala prokýrorynyń orynbasary etıka normalaryn buzǵany úshin qyzmetinen bosatyldy, dep habarlaıdy "Adyrna" ulttyq portaly Nasha Gazeta-ǵa silteme jasap.
Bul aqparatty Qostanaı oblysy prokýratýrasy rastady.
"2024 jylǵy 26 qarashada júrgizilgen tekserý nátıjesinde Kenjegarın prokýratýra organdarynan bosatyldy. Oǵan qatysty qylmystyq is qozǵalmady. Atalǵan qyzmetker quqyq qorǵaý organdary qyzmetkerleriniń Ádep kodeksiniń 7-babynyń 1-shi jáne 6-shy tarmaqtarynyń talaptaryn buzǵany úshin jumystan bosatyldy. Onyń qyzmettik is-áreketinde azamattar tarapynan durys baǵalanbaýyna baılanysty qyzmetkerdiń, sondaı-aq tutastaı prokýratýra organdarynyń bedeline nuqsan keltiretin minez-qulyqqa jol berilgen", - dedi Qostanaı oblysy prokýrorynyń birinshi orynbasary Baýyrjan Bekbosynov.
Qyzmettik tergeý qupııasyna baılanysty eks-prokýrordyń naqty qandaı qatelik jibergeni týraly málimet ashylmady.
