"Bir qolynda rýl, bir qolynda sábı": 5 aılyq nárestesimen taksı júrgizgen jalǵyzbasty ana (VIDEO)

2616
Adyrna.kz Telegram

5 aılyq nárestesimen birge taksı júrgizip júrgen jalǵyzbasty ana halyqty tańǵaldyrdy, dep jazady "Adyrna" ulttyq portaly.

«Men taksı shaqyrdym. Basyna oramal taqqan jas «kelinshek» keldi. Aldyńǵy oryndyqta sábı otyr eken. Men buryn mundaıdy eshqashan kórgen emespin. 5 mınýttan keıin náreste jylaı bastady.  Shoshyp kettim. Áıel múldem abyrjymady. Bir qolymen rýldi ustasa, ekinshi qolymen balany kóterip, emize bastady. Kóp uzamaı ol tynyshtaldy. Únsiz otyrýǵa shydamym jetpedi, jónsiz bolsa da júrgizýshi kelinshekke suraqtar qoıa bastadym. Ol jesir áıel bolyp shyqty. Kúıeýi jaqynda qaıtys bolǵan. Balasy 5 aılyq. Tańǵy 7-den bastap taksıletip, túski astan soń qaıta jumysqa shyǵady eken» - dep jazdy vıdeo avtory óz paraqshasynda.

Elordalyq polıııa departamenti de bul faktige qatysty túsinikteme berip úlgerdi.

«Onymen balalardy tasymaldaý talaptarynyń buzylýy týraly profılaktıkalyq áńgime júrgizildi», - dep túsindirdi tártip saqshylary.

Sonymen qatar, Astana qalalyq Polıııa departamenti mamandandyrylǵan batalonynyń qyzmetkerleri áıelge balalarǵa arnalǵan avtokreslony syıǵa tartty.

Pikirler