Buzaqylyq úshin degen aıyppen 15 táýlikke qamalǵan Qarjaýbaı Nurymovqa apellıaııalyq sottyń sheshimi shyqty, dep habarlaıdy “Adyrna” ulttyq portaly.
Almaty oblysynyń ákimshilik ister jónindegi sot alqasy birinshi satydaǵy qaýlyny ózgerissiz qaldyrdy. Iaǵnı, Qarjaýbaı advokattarynyń shaǵymyn qanaǵattandyrmady. Bul Qarjaýbaı Nurymov qamaýda 15 kún ótkizetinin bildiredi. Qarjaýbaıdyń advokattary er adamnyń otbasylyq jaǵdaılarǵa baılanysty qatty emoıonaldy tolqýdy bastan ótkergenin eskerýdi suraǵan. Alaıda sot sheshimi ózgerissiz qaldy.
Aýyrlatatyn mán - jaılar bolmaǵan jáne jeńildetetin jaǵdaılar bolǵan kezde, osy quqyq buzýshylyq úshin kózdelgen eń joǵary jaza qoldanyldy. Bul jaǵdaıda 15 táýlik merzimge qamaýǵa alý istiń mán-jaılaryn eskere otyryp, tym qatal jáne tepe-teń emes, delingen shaǵym qujatynda
Jeńildetetin jaǵdaılar retinde mynalar keltirildi:
- ulynyń qazasy;
- týǵan inisiniń qaıtys bolýy;
- múlikti (turǵyn úıdi) janyp ketýi;
- buqaralyq aqparat quraldarynyń turaqty nazary;
- ulynyń qazasyna qatysty qylmystyq is boıynsha tergeý áreketterine kúndelikti qatysý.
Eske sala keteıik, qamaýǵa alynǵan Nurymovtyń jaǵdaıy jaqsarmaǵan soń shuǵyl túrde Eńbekshiqazaq kópsalaly aýdanaralyq aýrýhanasyna jetkizilgen.
Sondaı-aq, Almaty oblysynyń polıııa departamenti onyń inisi Nurqanat Ǵaıypbaevtyń qazasyna baılanysty sot-medıınalyq saraptamasynyń aldyn-ala boljamyn jarııalaǵan edi. Ondaǵy jeke málimetterdi kópshilikke jarııalaýǵa marqumnyń januıasy ruqsat etpegen. Nurqanattyń qazasyna oraı polıııa taratqan málimetter ólimniń sebebin marqumnnyń ózinen izdestirý baǵytynda bolǵan. Munyń aldynda Qarjaýbaı Nurymovtyń uly Sherzat Bolat dúkende janjal týdyrǵan qaskúnemder qolynan qaza tapqan. Kúdiktiler ustalyp, tergeý júrip jatyr.
