Bügın QR Turizm jäne sport ministrı Erbol Myrzabosynov qyzmetıne kırıskenıne 100 kün toldy. Osy kezeŋde atqarylǧan jūmystar men aldaǧy josparlar turaly ministr äleumettık jelıdegı paraqşasynda bölıstı, dep habarlaidy “Adyrna” ūlttyq portaly.
Ministrdıŋ aituynşa, osy uaqyt aralyǧynda Memleket basşysynyŋ tapsyrmalaryna säikes naqty maqsattar qoiylyp, solardy jüzege asyru baǧytynda bırqatar maŋyzdy jūmystar atqaryldy.
Atqarylǧan jūmystar
Memleket basşysynyŋ tapsyrmasyna säikes, QR Turizm jäne sport ministrlıgınıŋ janynan öŋırlerdegı sport basqarmasynyŋ basşylaryn taǧaiyndau jönındegı komissiia qūryldy. Olimpiada chempiondary, sport salasynyŋ bılıktı menedjerlerı öŋırlık sport basqarmasynyŋ basşysy bolyp taǧaiyndaldy.
Sport federasiialary prezidentterınıŋ taǧaiyndaluyna bastamaşy bolyp, kandidattardy ūsynyp, olardyŋ qyzmetınıŋ negızgı körsetkışterın (KPI) aiqyndaimyz.
Elımızdıŋ öŋırlerındegı sport salasynyŋ naqty jaǧdaiyn aiqyndau maqsatynda arnaiy monitoringtık top qūrylyp, öŋırlerdegı sport rezervın daiarlau jäne joǧary sport jetıstıkterın taldau jūmystary jürgızıldı.
Parlament Mäjılısınde «Dene şynyqtyru jäne sport mäselelerı boiynşa özgerıster men tolyqtyrular engızu turaly» zaŋ jobasy bırınşı oqylymda maqūldandy.
Qyrküiek aiynan bastap bügıngı künge deiın elımızdıŋ sportşylary 72 halyqaralyq jarystarǧa qatysyp, nätijesınde 600 medal (236 – altyn, 178 – kümıs, 186 – qola) jeŋıp aldy.
Parijde ötken XVII jazǧy Paralimpiadada ūlttyq qūrama sportşylary 2 altyn, 3 kümıs, 4 qola medal oljalap, jalpykomandalyq esepte 39-orynǧa ie boldy.
Elordada 5-şı Düniejüzılık köşpendıler oiyndaryn ūiymdastyryp, bairaqty bäsekede Ūlttyq qūrama 43 altyn, 32 kümıs jäne 37 qola medal (barlyǧy 112 medal) ielenıp, jalpykomandalyq 1-orynǧa ie boldy.
Budapeşte IJF-tıŋ ştab-päterınde Halyqaralyq dziudo federasiiasynyŋ prezidentı Marius Vizermen kezdesıp, Qazaqstanda IJF akademiiasynyŋ filialyn aşu jäne 2027 jyly dziudodan älem chempionatyn ötkızu turaly kelısımge keldık.
Memleket basşysynyŋ tapsyrmasymen 2026 jyly Qazaqstanda dästürlı sport türlerı men kibersportty bırıktıretın «Bolaşaqtyŋ oiyndaryn» ötkızu mümkındıgıne ie boldyq.
Dene şynyqtyru jäne būqaralyq sport akademiiasy Fransiiadaǧy INSEP Ūlttyq sport, saraptama jäne önımdılık institutymen yntymaqtastyq ornatty.
Zamanaui köşpendılerge saiahattap, qaşyqtan jūmys ısteitın şeteldık turisterge arnalǧan jaŋa Neo Nomad vizasy engızıldı.
Ūly Jıbek jolynyŋ ızımen saiahattauǧa mümkındık beretın Jibek joly turistık poiyzy ıske qosyldy.
Qaraşada Almatyda Qytaidaǧy Qazaqstan turizmı jylynyŋ saltanatty jabyluyna arnalǧan halyqaralyq forum öttı.
Memleket basşysynyŋ tapsyrmasyna säikes Şuchinsk-Burabai kurorttyq aimaǧyn damytu jönındegı arnaiy keşendı jospar äzırlendı.
Oiyn biznesı, lotereia qyzmetı mäselelerı jönındegı Zaŋdy jüzege asyru maqsatynda 12 zaŋǧa täueldı normativtık-qūqyqtyq aktıler bekıtıldı.
Alǧaş ret onlain kazino jūmysynyŋ tranzaksiiasy būǧattaldy.
Josparlar
Aldaǧy uaqytta Dene şynyqtyru jäne sporttyŋ sifrlyq platformasyn (E-Sport) ıske qosylady.
Kelesı jyldyŋ aqpanynda Qazaqstan ūlttyq qūramasynyŋ sportşylary Qytaidyŋ Harbin qalasynda ötetın qysqy Aziia oiyndaryna qatysady.
Dene şynyqtyru jäne sport mäselelerı boiynşa özgerıster men tolyqtyrular engızılgen zaŋ jobasy jäne zaŋǧa täueldı normativtık-qūqyqtyq aktılerdı qabyldau jūmystary jürgızılude.
2025 jyldyŋ qaŋtarynda sporttyq ataqtar men razriadtardy beru erejelerın jaŋartatyn jaŋa būiryq qabyldanady. Būl būiryq sporttyŋ barlyq türlerıne özgerıster engızudı qarastyrady.
Memleket basşysynyŋ tapsyrmasy boiynşa Astanada Ūlttyq sport universitetınıŋ qūrylysy aiaqtalyp, qoldanysqa berıledı.
2025 jyly balalar sport mektepterın jan basyna qarjylandyru jüiesı pilottyq joba retınde engızıldı.
2026 jylǧy İtaliianyŋ Milan jäne Kortina-d Ampesso qalalarynda ötetın 25-şı qysqy Olimpiada men Los-Andjelestegı 34-şı jazǧy Olimpiadaǧa daiyndyq siklı bastalyp, tiıstı jūmystar jürgızılude.
Basqaru vertikalın qalpyna keltıru jönındegı ıs-şaralar odan ärı jalǧasady.
2025 jyly Qazaqstanda Qytaidyŋ turizm jyly ötedı.
Maŋǧystau kurorttyq aimaǧyn jäne Almaty tau klasterın damytudyŋ keşendı josparlaryn äzırleu jūmystary bastaldy.
Memleket basşysynyŋ tapsyrmasy boiynşa ITB Berlin halyqaralyq turistık körmesıne 2026 jyly Qazaqstannyŋ serıktes el märtebesınde qatysu mäselelerı pysyqtaluda.
Bukmekerlık keŋseler men totalizatorlar üşın bäs tıgu boiynşa Bıryŋǧai esepke alu jüiesı qūrylady.
