“Ekıjüzdılık pe?”: Edıl Jaŋbyrşinnıŋ Nazarbaev turaly jazǧan ekı türlı posty qyzu talqylanuda

Deputat Edıl Jaŋbyrşinnıŋ äleumettık jelıge Nazarbaev turaly būryn jäne taiauda ǧana jariialaǧan posty qyzu talqylanyp jatyr, dep habarlaidy “Adyrna” ūlttyq portaly Ulysmedia.kz. saityna sılteme jasap.

Būryn Nūrsūltan Nazarbaevty maqtap jazǧan deputat soŋǧy postynda ony «şalǧa» teŋegen. Jurnalister mäjılısmennen osy äreketınıŋ mänın sūrap bıldı. 

2021 jyldyŋ 1 jeltoqsanynda Edıl Jaŋbyrşin Nazarbaev turaly «ony Qūdai taŋdady, elge sondai erdı berdı, el soŋyna erdı» dep post jazǧan.

Al taiauda jazǧan postynda ol bır jyl būrynǧy oilarynan ainyp qalǧanǧa ūqsaidy.

«Ädıldık qūru üşın! Ädıl memleket qūru üşın - şaldyŋ jüiesın özgertu kerek! Ädıl ekonomika qūru üşın - qyz-küieudıŋ jüiesın būzu kerek! Ädıl qoǧam qūru üşın - ınısınıŋ sektasyn joq qylu kerek!» - dep jazdy deputat.

Jurnalister «būl ekıjüzdılık emes pe? Bır jylda ne özgerdı?» degen sūraq qoidy deputatqa.

«Bır jylda köp zat özgerdı. Mynany tüsınu kerek. Ol (bır jyl būrynǧy – avt) post – Elbasynyŋ jeke basyna aitylǧan post. Al keşe jariialaǧan post – qalyptasqan jüienı özgertuge qatysty post. Sondyqtan, qazır ülken saiasi özgerıster bolyp, Konstitusiiaǧa özgerıster engızıldı. Superprezidenttık būrynǧy jüieden ketuımız kerek. Myqty prezident, yqpaldy Parlament jäne esep beretın Ükımet degen model bar. Eger Ekınşı Respublikany ıske asyramyz desek, būrynǧy jüieden ketuımız kerek. Mäsele, soǧan qatysty. Soŋǧy jazǧan postym – adamnyŋ jeke basyna qatysty post emes. Osy qalyptasqan jüienı özgertıp, soǧan jūmystanuymyz kerek degendı bıldıredı», - dep jauap berdı ol. 

Sondai-aq, Edıl Jaŋbyrşin būrynǧy jäne bügıngı posty «ekıjüzdılıktıŋ belgısı emes» dep jauap berdı.

«Būl jerde ekınşı post adamnyŋ jeke basyna qatysty aitylmaǧan zat. Qalyptasqan memlekettegı jüie turaly. Sondyqtan, kontekstten sözdı jūlyp almai, dūrys oqu kerek. Ädıl memleket qūramyz desek, şaldan qalǧan jüienı özgertuımız kerek. Būl eldıŋ aityp jürgen äŋgımesı», - deidı Edıl Jaŋbyrşin.

“Keşegı post memlekette, ekonomikada jäne qoǧamda äbden qalyptasyp qalǧan eskı jüiege arnalǧan. Maǧynasyna män berıŋız! Jüie özgermei Ädıl Qazaqstan qūru qiyn. Özgerıster bastalyp jatyr, bıraq eskı jüie sahnadan ketkısı kelmei arpalysuda. Postymdy jeke tūlǧaǧa qatysty jazǧan pıkırlerıme qarai būrmalap, aqparattyq şabuyldar jasauda sonyŋ bır körınısı! Būl zaŋdylyq! Bilıgı men bailyǧyn kım oŋai bere qoiady?! Qoldau bıldırıp otyrǧan qazaqstandyqtarǧa rahmet! Auyzbırşılıkpen, aqylmen, bılımmen, sabyrlyqpen, tabandylyqpen jäne myqty ruhpen ESKI JÜIENI özgerte alamyz!  Elde beibıtşılık, basymyz aman bolǧai!”,- dep jazdy ol.