Depýtat Edil Jańbyrshınniń áleýmettik jelige Nazarbaev týraly buryn jáne taıaýda ǵana jarııalaǵan posty qyzý talqylanyp jatyr, dep habarlaıdy “Adyrna” ulttyq portaly Ulysmedia.kz. saıtyna silteme jasap.
Buryn Nursultan Nazarbaevty maqtap jazǵan depýtat sońǵy postynda ony «shalǵa» teńegen. Jýrnalıster májilismennen osy áreketiniń mánin surap bildi.
2021 jyldyń 1 jeltoqsanynda Edil Jańbyrshın Nazarbaev týraly «ony Qudaı tańdady, elge sondaı erdi berdi, el sońyna erdi» dep post jazǵan.
Al taıaýda jazǵan postynda ol bir jyl burynǵy oılarynan aınyp qalǵanǵa uqsaıdy.
«Ádildik qurý úshin! Ádil memleket qurý úshin - shaldyń júıesin ózgertý kerek! Ádil ekonomıka qurý úshin - qyz-kúıeýdiń júıesin buzý kerek! Ádil qoǵam qurý úshin - inisiniń sektasyn joq qylý kerek!» - dep jazdy depýtat.
Jýrnalıster «bul ekijúzdilik emes pe? Bir jylda ne ózgerdi?» degen suraq qoıdy depýtatqa.
«Bir jylda kóp zat ózgerdi. Mynany túsiný kerek. Ol (bir jyl burynǵy – avt) post – Elbasynyń jeke basyna aıtylǵan post. Al keshe jarııalaǵan post – qalyptasqan júıeni ózgertýge qatysty post. Sondyqtan, qazir úlken saıası ózgerister bolyp, Konstıtýııaǵa ózgerister engizildi. Sýperprezıdenttik burynǵy júıeden ketýimiz kerek. Myqty prezıdent, yqpaldy Parlament jáne esep beretin Úkimet degen model bar. Eger Ekinshi Respýblıkany iske asyramyz desek, burynǵy júıeden ketýimiz kerek. Másele, soǵan qatysty. Sońǵy jazǵan postym – adamnyń jeke basyna qatysty post emes. Osy qalyptasqan júıeni ózgertip, soǵan jumystanýymyz kerek degendi bildiredi», - dep jaýap berdi ol.
Sondaı-aq, Edil Jańbyrshın burynǵy jáne búgingi posty «ekijúzdiliktiń belgisi emes» dep jaýap berdi.
«Bul jerde ekinshi post adamnyń jeke basyna qatysty aıtylmaǵan zat. Qalyptasqan memlekettegi júıe týraly. Sondyqtan, kontekstten sózdi julyp almaı, durys oqý kerek. Ádil memleket quramyz desek, shaldan qalǵan júıeni ózgertýimiz kerek. Bul eldiń aıtyp júrgen áńgimesi», - deıdi Edil Jańbyrshın.
Odan bólek, Jańbyrshın bul postar “eski júıege” arnalǵanyn aıtyp taǵy bir post jazdy.
“Keshegi post memlekette, ekonomıkada jáne qoǵamda ábden qalyptasyp qalǵan eski júıege arnalǵan. Maǵynasyna mán berińiz! Júıe ózgermeı Ádil Qazaqstan qurý qıyn.
Ózgerister bastalyp jatyr, biraq eski júıe sahnadan ketkisi kelmeı arpalysýda. Postymdy jeke tulǵaǵa qatysty jazǵan pikirlerime qaraı burmalap, aqparattyq shabýyldar jasaýda sonyń bir kórinisi! Bul zańdylyq! Bıligi men baılyǵyn kim ońaı bere qoıady?!
Qoldaý bildirip otyrǵan qazaqstandyqtarǵa rahmet! Aýyzbirshilikpen, aqylmen, bilimmen, sabyrlyqpen, tabandylyqpen jáne myqty rýhpen ESKI JÚIENI ózgerte alamyz! Elde beıbitshilik, basymyz aman bolǵaı!”,- dep jazdy ol.
