Talibandar ükımetınıŋ bosqyndar jäne repatriasiia ısterı boiynşa ministrınıŋ mındetın atqaruşy Halil Rahman Hakkani Kabulda jarylys saldarynan qaza tapty, dep habarlaidy "Adyrna" ūlttyq portaly.
Būl aqparatty «Taliban» qozǧalysynyŋ resmi ökılı Zabihulla Mujahid rastady.
Bır derekter boiynşa jarylys bosqyndar ısterı ministrlıgınıŋ aumaǧynda bolǧan, al basqa mälımetterge säikes, meşıtte bolǧan. Hakkanimen bırge taǧy üş adam qaitys boldy.
BAQ mälımetterınde qaza tapqandar onyŋ oqqaǧarlary dep körsetılgen.
Aita keteiık, 58 jastaǧy Halil Rahman Hakkani 2021 jylǧy 7 qyrküiekten bastap bosqyndar ısterı ministrınıŋ mındetın atqaruşy bolyp kelgen. Ol «Hakkani jelısınıŋ» negızın qalauşy Djalaluddin Hakkanidıŋ bauyry jäne qazırgı jelınıŋ basşysy ärı «Talibannyŋ» ışkı ıster ministrı Siradjuddin Hakkanidıŋ aǧasy edı. Onyŋ otbasy ūzaq uaqyt boiy «Talibannyŋ» operasiialary men strategiiasynda ortalyq röl atqaryp kelgen.
2011 jyly AQŞ Qarjy ministrlıgı Halil Hakkanidı jahandyq qauıptı terroristerdıŋ (SDGT) tızımıne qosqan. Oǧan Auǧanstan men Päkıstandaǧy «Al-Kaida» atynan äreket jasaǧany üşın aiyp taǧylǧan. AQŞ ükımetı Hakkanidı tūtqyndauǧa äkeletın aqparat üşın 5 million dollar syiaqy jariialaǧan.
Ūqsas jaŋalyqtar
