Marqum Sherzat Polattyń otbasy qaýipsiz jerge kóshirilgeni anyqtaldy, dep habarlaıdy “Adyrna” ulttyq portaly.
Bul habardy Aıtbek Amangeldi habarlady. Ol qara jamylǵan otbasynyń basqa baspanaǵa kóshirilgenin málimdedi.
“Biz otbasyny basqa aımaqqa aýystyrdyq. Qazir otbasy jańa úıde, qaýipsiz jerge kóshirildi. Biz bul aqparatty jarııalamaǵan edik. Naqty qaı jerge kóshirilgenin aıtpaımyz, bul - jarııalaýǵa jatpaıtyn aqparat”, – dedi Aıtbek Amangeldi.
Al otbasynyń advokaty ákimdik tarapynan eshqandaı kómek kórsetilmegenin aıtty.
“Ákimdik úı berý boıynsha usynys jasaǵan bolatyn. Sol jerde úı salyp beremiz degen edi. Alaıda órtengen úıdiń ornyn tazalaý jumystary boıynsha da kómek kórsetken joq. Tipti ákimdikten kelip, Qarjaýbaıdyń kómekten bas tartatyny týraly aıtqanyn vıdeoǵa jazyp alamyz degen. Qarjaýbaı bul jaǵdaıdy túsinbeı, eshnárse qajet emes ekenin jetkizdi”, – deıdi otbasynyń advokaty Saıda Táýekelova.
