Baqtiiar Artaev Qyzylorda oblysynyŋ dene şynyqtyru, sport jäne turizm basqarmasynyŋ basşysy bolyp taǧaiyndaldy, dep habarlaidy “Adyrna” ūlttyq portaly.
Oblys äkımı Nūrlybek Nälıbaevtyŋ töraǧalyǧymen äleumettık-ekonomikalyq körsetkışterge, kadrlyq özgerısterge orai aktiv otyrysy öttı.
Jiynda aimaq basşysy Qyzylorda oblysynyŋ dene şynyqtyru, sport jäne turizm basqarmasynyŋ jaŋa basşysy Artaev Baqtiiar Ǧarifollaūlyn tanystyrdy.
«Bügıngı mäjılısımızdı bastamas būryn kadrlyq özgerısterge toqtaluǧa rūqsat etıŋızder. Memleket basşysy otandyq sport salasyn keşendı reformalau arqyly būqaralyq, balalar men jasöspırımder sportyn damytudy tapsyrdy. Ol üşın bızge öz ısın jetık bıletın käsıbi mamandar, myqty basşylar, üzdık menedjerler kerek. Osy oraida, Turizm jäne sport ministrlıgınıŋ, Memlekettık qyzmet ısterı agenttıgınıŋ kelısımımen Qyzylorda oblysynyŋ dene şynyqtyru, sport jäne turizm basqarmasynyŋ basşysy lauazymyna Artaev Baqtiiar Ǧarifollaūly taǧaiyndaldy.
Baqtiiar Ǧarifollaūly – barlyǧyŋyzǧa jaqsy tanys, öz ısınıŋ bılıktı mamany, myqty menedjer. Sport salasynyŋ jandanuyna orasan zor üles qosqan azamat. 2004 jyly Afinada ötken Olimpiada oiyndarynda el qorjynyna altyn salǧan chempionymyz, Vel Barker Kubogynyŋ iegerı, halyqaralyq sport şeberı, Qazaqstannyŋ eŋbek sıŋırgen sport şeberı, bokstan Qazaqstan Respublikasynyŋ 7 dürkın chempiony», – dedı Nūrlybek Nälıbaev.
Ūqsas jaŋalyqtar
