AQŞ prezidentı BŪŪ Bas Assambleiasynyŋ sessiiasynda Halyqaralyq qylmystyq sotty (HQS) «baqylaudan şyqqan institut» dep atady, dep habarlaidy "Adyrna" ūlttyq portaly.
Sondai-aq, oǧan müşe memleketterdı ūiymnan dereu şyǧuǧa ündedı.
22 qyrküiekte Niu-Iorkte söilegen sözınde Tramp AQŞ äskeri qyzmetşılerınıŋ «antiamerikalyq sot aldynda» jauapqa tartyluyna jol bermeitının mälımdedı. Onyŋ aituynşa, Halyqaralyq qylmystyq sot öz ökılettıgınen asyra paidalanǧan.
«Men HQS-qa müşe barlyq eldı baqylaudan şyqqan būl instituttaǧy müşelıgın dereu resmi türde toqtatuǧa şaqyramyn», – dedı AQŞ prezidentı.
Vaşington būǧan deiın de Halyqaralyq qylmystyq sot ökılderıne sanksiialar engızgen. 18 tamyzda AQŞ memlekettık hatşysy Marko Rubio sot töraǧasy Tomoko Akane men aǧa prokuror Abdulai Seiege qatysty şekteu şaralaryn jariialady.
Rubio olardyŋ HQS-tyŋ sot iurisdiksiiasyn moiyndamaityn memleketterdıŋ lauazymdy tūlǧalaryn tergeu jäne qudalau äreketterıne qatysy bar ekenın mälımdedı.
AQŞ HQS qūrǧan halyqaralyq kelısımge qatysuşy emes. Vaşington sotty amerikalyq äskeri qyzmetşıler men barlau qyzmetkerlerıne qatysty tergeudı jalǧastyryp, AQŞ egemendıgıne qauıp töndırıp otyr dep aiyptaidy.
BŪŪ mınberınde Ukrainadaǧy soǧys turaly da söz qozǧaǧan Donald Tramp qaqtyǧystyŋ köpşılık kütkennen erterek aiaqtaluy mümkın ekenın aitty. Onyŋ sözınşe, AQŞ Resei jäne Ukraina basşylyǧymen osy mäsele boiynşa tyǧyz jūmys ıstep jatyr. Sonymen qatar Tramp Vaşingtonnyŋ Mäskeuge qysymdy küşeituge daiyn ekenın aŋǧartty.
