Qyzylorda oblysynyń ákimi Nurlybek Nálibaev «Qaısar» fýtbol klýbynyń bıýdjeti týraly pikir bildirdi, dep habarlaıdy «Adyrna» tilshisi.
Óńir basshysy fýtbol klýbynyń ákimdikten alatyn bıýdjeti jaqyn ýaqytta óspeıtinin jetkizdi.
«Syrttan kelgen oıynshylarǵa bosqa aqsha tólegennen góri turǵyndar paıdaly mańyzdy jobalardy qolǵa alǵanymyz jón. Maǵan da klýbtyń basshysy kelip, «qarajatty kóbeıtsek, budan da jaqsy nátıje kórsetemiz, birinshi oryn alamyz» deıdi. Bıýdjetten 5 mlrd teńge bólip, birinshi bolmaı-aq qoıdyq dedim. «Qaısar» – bıýdjetten eń az qarajat qarastyrylǵan komanda, men ony moıyndaımyn. Bıýdjet jaǵynan eń tómengi oryndarda turǵanymyz anyq. Biraq sol aqshany aýyldarda sportty damytýǵa bólgenimiz durys. 80 sport alańy salyndy. Stadıon salynyp jatyr. Sport keshenderi salynyp jatyr. Bizdiń maqsat – qalaǵa kórik beretin ǵımarattar emes, qarakózderimizdi tárbıeleıtin, paıdasy tıetin nysandar salý», - dedi ol Ortalyq kommýnıkaııalar qyzmetiniń baspasóz konferenııasynda.
