Sırııa basshysy Bashar Asad úkimetke qarsy kúshterdiń shabýylynan keıin Máskeýge qashyp ketti. Bul týraly TASS jazdy, dep habarlaıdy «Adyrna» tilshisi.
Sheteldik BAQ-tyń málimetinshe, Reseı prezıdent men onyń otbasyna baspana bergen.
«Asad úı-ishimen birge Máskeýdi panalady. Reseı gýmanıtarlyq sıpattaǵy negizderge súıene otyryp, olarǵa baspana berdi»,—delingen habarlamada.
Qarýly sırııalyq oppozıııa basshylary Reseıdiń áskerı bazalary men dıplomatııalyq mekemeleriniń qaýipsizdigine kepildik bergeni atap ótildi.
Agenttik derekkóziniń aıtýynsha, Reseı Federaııasy BUU qamqorlyǵymen Sırııadaǵy kelissózderdi qaıta bastaý qajet dep sanaıdy.
Eldi 24 jyl basqarǵan Bashar Asad Dımashyqtan ketti degen aqparat kópshilikke jeksenbige qaraǵan túni taraǵan edi. Ol bılikke 2000 jyly kelgen. Al ákesi Sırııany oǵan deıin 1971 jyldan basqarǵan. Buǵan deıin Sırııa prezıdenti otyrǵan ushaq atyp túsirildi degen boljamdar aıtylǵan bolatyn.
Eske salaıyq, Qyrǵyzstannyń birinshi prezıdenti Asqar Aqaev ta 2005 jyly elde bolǵan tóńkeristen keıin bas saýǵalap Máskeýge qashqan bolatyn.
