7 jeltoqsan künı Parijdegı Notr-Dam şırkeuı 2019 jyldyŋ säuır aiynda bolǧan ülken örttıŋ saldarynan bes jyldyq qalpyna keltıruden keiın qaita aşyldy, dep habarlaidy "Adyrna" ūlttyq portaly DW-ge sılteme jasap.
Būl oqiǧaǧa arnalǧan saltanatty şaraǧa qatysu üşın Fransiia astanasyna 40-tan astam memleket jäne ükımet basşylary keldı. Olardyŋ arasynda Germaniia prezidentı Frank-Valter Ştainmaier, AQŞ-tyŋ sailanǧan prezidentı Donald Tramp jäne onyŋ sailau nauqanyndaǧy serıgı İlon Mask, Ūlybritaniianyŋ hanzadasy Uiliam jäne Ukraina prezidentı Vladimir Zelenskii boldy.
Sonymen qatar saltanatty şaraǧa dın qairatkerlerı men qalpyna keltıru jūmystaryna qarjylai kömek körsetkender de şaqyryldy. Şırkeudıŋ qaitadan senuşılerdı qabyldauǧa daiyn ekendıgın Parijdıŋ arhiepiskopy Loran Iýlriş habarlady. Būǧan deiın ol esıkterdı taiaǧymen soqqan edı.
Notr-Damnyŋ qaita aşyluyna arnalǧan merekeler 7 jäne 8 jeltoqsandaǧy demalys künderı jalǧasty. Aşylu saltanatynyŋ transliasiiasyn 20-dan astam eldıŋ telearnalary körsettı.
7 jeltoqsandaǧy keşkı baǧdarlamada örtten keiıngı oqiǧalardy baiandaityn film körsetılıp, qūtqaruşylar men şırkeudı qalpyna keltıruşı qūrylysşylarǧa qūrmet körsetıldı. Qolaisyz aua raiyna bailanysty barlyq qoiylymdar ǧimarattyŋ ışıne köşırıldı.
2019 jyly örtpen küresıp, onyŋ saldaryn joiǧan ört söndıruşıler men qūtqaruşylardy, sondai-aq qūrylysşylardy aşylu saltanatynda türegep tūryp qoşemetpen qarsy aldy.
Fransiia prezidentı Emmanuel Makron Notr-Dam şırkeuınıŋ aşylu saltanatynda söz söilep, fransuz halqyna alǧysyn bıldırdı.
«Ekı kün būryn ükımet taratylǧandyqtan Notr-Damnyŋ aşyluynda söz söileu Makron üşın maŋyzdy mümkındık boldy. Fransiia Prezidentı būl kündı osylai elestetpegen siiaqty. Bastapqyda Notr-Damdy Olimpiada oiyndary kezınde aşu josparlanǧan edı, bıraq būl oryndalmady. Al ükımet joqta örınıs tıptı köŋılsız bolyp tūr»- dep jazdy RFI.
Şırkeudıŋ aşyluynan keiıngı alǧaşqy dıni räsım 19:45 te, Emmanuel Makronnyŋ sözınen keiın bastalyp, 45 minutqa sozyldy.
Rim Papasy Fransisk şaraǧa qatysqan joq, Bıraq şırkeudıŋ basşysy Olive Ribado Diuma brifingınde habarlaǧandai, ol Parij arhiepiskopyna "fransuz halqyna arnalǧan" habarlama jıbergen.
"Būl keremet şırkeudıŋ qaita jandanuy Fransiiadaǧy şırkeudıŋ qaita örleuınıŋ belgısı bolsyn", - dep jazylǧan būl habarlamada.
Ūqsas jaŋalyqtar
