10 naýryzda Sırııanyń jańa bıligi Sırııa demokratııalyq kúshteri men (SDF) Kúrd avtonomııalyq ákimshiliginiń azamattyq jáne áskerı mekemelerin Sırııa úkimetine biriktirý týraly kelisimge kelgenin jarııalady. Kelisimde Sırııanyń soltústik-shyǵysyndaǵy naqty obektiler, sonyń ishinde shekaralyq posttar, áýejaı jáne munaı men gaz ken oryndary kórsetilgen. Kelisim 2025 jyldyń sońyna deıin júzege asyrylýy tıis, dep habarlaıdy “Adyrna” ulttyq portaly AFP agenttigine siltep.
2024 jyly jeltoqsanda Bashar Asad rejımi qulatylǵannan keıin Ahmed ash-Sharaa bastaǵan Sırııanyń jańa bıligi Sırııada áreket etetin qarýly toptardy taratyp, eldiń búkil aýmaǵynda baqylaý ornatýǵa tyrysýda.
SDF-pen kelisimge qol qoıý Sırııanyń batysyndaǵy jaǵalaý aımaǵynda oryn alǵan qarýly qaqtyǵystar men jappaı sotsyz jazalaýlar kezinde oryn aldy. Bul aımaqta negizinen Sırııanyń bılikten qýylǵan dıktatory Asad kiretin qaýymdastyqtyń ókilderi turady.
Quqyq qorǵaýshylardyń aıtýynsha, Sırııanyń jaǵalaýdaǵy Latakııa jáne Tartýs provınııalarynyń qalalarynda, aýyldarynda jáne taýlarynda «qaýipsizdikti qalpyna keltirý» operaııasynyń tórt kúninde «Asad jasaqtarynyń qaldyqtary men olardy qoldaıtyndarǵa qarsy baǵyttalǵan» 1500-ge jýyq adam qaza tapty, olardyń kópshiligi beıbit turǵyndar.
Sırııa prezıdentiniń mindetin atqarýshy Ahmed ash-Sharaa operaııanyń aıaqtalýyna túsinikteme bere otyryp, Asadty qoldaıtyn toptardy soǵys qımyldarynyń bastamashysy dep atady, sonymen birge olardyń arasynda onyń jaqtastary bolsa da, beıbit turǵyndardy qyryp-joıýǵa jaýaptylardy jazalaýǵa ýáde berdi.
