2024 jylǵy 1 qarashadaǵy jaǵdaı boıynsha Qazaqstan halqynyń sany 210 139 adamǵa ósip, 20 243 981 adamdy qurady, dep habarlaıdy "Adyrna" ulttyq portaly. Bul týraly Ulttyq statıstıka bıýrosy málimdedi.
Ulttyq statıstıka bıýrosynyń aqparatyna súıensek, respýblıka halqynyń 12 727 404-i qala turǵyndary, al 7 516 577-i aýyldyq jerlerde turady.
Bıýronyń aıtýynsha, Qazaqstanda 10 353 239 áıel jáne 9 890 742 er adam ómir súredi.
10 aıda elde 309 310 bala dúnıege kelip, 110 867 adam qaıtys bolǵan. Tabıǵı ósim 198 443 adamdy qurady.
Kóshi-qon balansy da oń kórsetkish kórsetken. 10 aıda Qazaqstanǵa 22 955 adam kelse, 11 259 adam ketken. Kóshi-qon saldosy — 11 696 adam.
«2023 jyldyń osy kezeńimen salystyrǵanda, Qazaqstanǵa kelgenderdiń sany 1618 adamǵa kóbeıip, ketkenderdiń sany 2548 adamǵa azaıdy», - delingen Ulttyq statıstıka bıýrosynyń málimdemesinde.
Eldegi eń halqy kóp qala - Almaty qalasy. Munda 2 280 296 adam turady.
Buǵan deıin, Qazaqstan halqynyń bir jyl ishindegi ósimi 223 myń 218 adamǵa artqany týraly jazǵan edik.
