5 jeltoqsanda senattyń plenarlyq otyrysynda ulttyq bank tóraǵasy elimizde depozıtter boıynsha mólsherlemelerdiń joǵary ekenin aıtty, dep habarlaıdy "Adyrna" ulttyq portaly.
Ulttyq bank tóraǵasy 2022 jyly depozıtterge kompensaııa usynylǵanmen, qazirgi munyń múmkin emes ekenin aıtady.
"Sol kezde, esterińizde bolsa, valıýta kýrsy shamamen 400-den 530-ǵa deıin qubylyp otyrdy. Iaǵnı jaǵdaı múldem basqasha boldy. Sol ýaqytta depozıtter boıynsha mólsherlemeler 8-9% aralyǵynda boldy. Munda adamdar 8-9% mólsherlememen depozıtterinde aqsha saqtap otyrdy. Qazir buǵan 15% mólsherleme qosyldy. Bul eki túrli jaǵdaı. Shyn máninde, sol ýaqytta úkimet pen ulttyq bank adamdardyń aqshalaryn shyǵaryp, dollar satyp almaýy úshin olardy ustap turdy. Sondyqtan memlekettik syıaqy berý qajet dep sheshti", – dep málimdedi Súleımenov.
Onyń pikirinshe, qazir depozıtter boıynsha mólsherlemeler jetkilikti dárejede joǵary bolyp tur.
"Meniń oıymsha, búginde dollarǵa qaraǵanda teńgede depozıt saqtaý áldeqaıda tıimdirek. Sondyqtan mundaı baǵdarlama qarastyrylmaıdy. Onyń ústine, ol úlken fıskaldyq shyǵyndarǵa ákep soǵady. Qazir memlekette qarjylyq resýrstar shekteýli", – dep tolyqtyrdy ol.
