Qazaqstandyq Instagram-akkaunttardyŋ bırınde tötenşe jaǧdai kezınde 42 500 teŋge alǧan barlyq jūmyssyzdar endı 20 000 teŋgenı memleketke qaitaruǧa mındettı ekenı turaly jaŋalyq talqylanuda. Būl aqparatty QR Eŋbek jäne halyqty äleumettık qorǧau ministrlıgı joqqa şyǧardy, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
42 500 teŋge mölşerındegı äleumettık tölem Memlekettık äleumettık saqtandyru qorynyŋ (MÄSQ) qarajaty esebınen tölendı. Ol karantindık şekteuler men tötenşe jaǧdai rejimıne bailanysty kırısınen aiyrylǧan jūmys ısteitın azamattarǧa berıldı.
"Eger azamat jūmyssyz bolsa, onyŋ Qazaqstan Respublikasy aumaǧynda barlyq jerde qyzmetke şekteuler engızıluıne bailanysty tabysynan aiyryluy mümkın emes. Tiısınşe, ol 42 500 teŋge almauǧa tiıs jäne özın-özı jūmyspen qamtuşy retınde tölem aluǧa ötınış bermeuı kerek edı, öitkenı ol būl sanatqa jatpaidy. Degenmen, MÄSQ 42 500 teŋge alǧan jūmyssyzdardan 20 000 teŋge kölemındegı qarajatty qaitarudy talap etıp jatpaǧanyn atap ötkenımız jön", – dep habarlady QR Eŋbek jäne halyqty äleumettık qorǧau ministrlıgınen.
Demek, qazaqstandyqtardy būryn alǧan äleumettık tölemderdı qaitaruǧa mındetteidı degen habarlama şyndyqqa janaspaidy. Būǧan deiın de osy saryndaǧy aqparattar paida bolǧan. Eŋbek jäne halyqty äleumettık qorǧau ministrlıgı olardy da joqqa şyǧardy.
Ūqsas jaŋalyqtar
