Biyl Jetısu oblysynyŋ Eskeldı audanynda 4 mektep pen balabaqşaǧa jöndeu jürgızıldı, sondai-aq densaulyq saqtau, mädeniet jäne sport salalaryndaǧy 12 jaŋa nysandy ıske qosu josparlanuda. Onyŋ 5-ı paidalanuǧa berıldı, qalǧan 6-yn jeltoqsan aiynyŋ soŋyna deiın ıske qosu közdelgen. Būl turaly bügın oblys äkımı Beibıt İsabaevtyŋ Eskeldı audanynyŋ tūrǧyndarymen kezdesuı barysynda aityldy, - dep habarlaidy Jetısu oblysy äkımınıŋ baspasöz qyzmetı.
M. Mämetova atyndaǧy jäne Qoŋyr auylyndaǧy orta mektepter men M. Baisov auylyndaǧy balabaqşa kürdelı jöndeuden öttı, al Aldabergenov auylyndaǧy balabaqşaǧa aǧymdaǧy jöndeu jürgızıldı. Qablisa jyrau atyndaǧy jäne Qainarly auylyndaǧy orta mektepterge avtobus pen «Gazel» avtokölıgı satyp alyndy. Audandaǧy 11 mekteptıŋ kıtaphanasy jaŋartyldy.
- Halyqtyŋ ötınışın eskere kele, Eşkıölmes jäne Jaŋalyq auyldarynda 180 jäne 120 oryndy ekı jaŋa mektep qūrylysynyŋ jobalyq-smetalyq qūjattary daiyndalyp jatyr. Memlekettık saraptama qorytyndysy jyl soŋyna deiın şyǧady dep kütılude. Al Qarabūlaq auylyndaǧy orta mektep pen Eltai auylyndaǧy S. Seifullin atyndaǧy mektepke kürdelı jöndeu jūmysynyŋ jobalyq-smetalyq qūjattamasy daiyn, memlekettık saraptamanyŋ qorytyndysy alyndy. Biudjettı naqtylau kezınde būl ekı jobaǧa da tiıstı qarajat qarastyrylady. Sonymen qatar audandaǧy bılım beru mekemelerın gazdandyru jūmystary jürgızılude. Qarabūlaq auylyndaǧy Şestakov atyndaǧy mektep biudjet qarajaty esebınen, al Syrymbet auylyndaǧy Jaqypbaev atyndaǧy mektep demeuşı kömegımen gazǧa qosyldy, - dep atap öttı B. İsabaev.
Densaulyq saqtau mäselesıne kelsek, salanyŋ infraqūrylymyn jaqsartu maqsatynda biyl Ekpındı jäne Jaŋalyq auyldarynda 2 blokty-moduldı medisinalyq punkt ornatyldy, Täuelsızdık künı qarsaŋynda Aqeşkı auylynda da ıske qosylady. Sol siiaqty «Auyldaǧy densaulyq saqtaudy jaŋǧyrtu» ūlttyq jobasy aiasynda audanda 5 nysan salynady. Sonyŋ ışınde Şymyrdaǧy därıgerlık ambulatoriia men M.Baisov auylyndaǧy feldşerlık-akuşerlık punkttıŋ qūrylysy osy aida aiaqtalsa, osyndai nysandar Jastar, Qainarly, Jalǧyzaǧaş auyldarynda kelesı jyly salynady. Sonyŋ nätijesınde densaulyq saqtau salasynyŋ infraqūrylymy audannyŋ 8 auylynda jaqsarady.
Mädeniet salasy da nazardan tys qalmaidy. «Auyl-el besıgı» jobasy aiasynda Qaratal auylynda 100 orynǧa arnalǧan mädeniet üiınıŋ qūrylysy aiaqtalyp, Qoŋyr jäne Jalǧyzaǧaş auyldarynda blokty-moduldı klub qoldanysqa berıldı. Taǧy bır klub Aqyn Sara auylynda kelesı aptada ıske qosylady.
Sport salasynda Eltai, Şymyr, Jetısu auyldarynda 3 blokty-moduldy sporttyq keşenınıŋ qūrylysy jürgızılude, Täuelsızdık künı qarsaŋynda qoldanysqa berıledı.
Jalpy, 2022-2024 jyldary audanǧa infraqūrylymdyq, äleumettık nysandardy saluǧa, qaita jaŋǧyrtuǧa jäne jobalau jūmystaryna oblystyq biudjetten 25,9 mlrd. teŋge bölıngen.
Ūqsas jaŋalyqtar
