"QazMūnaiGaz" ŪK AQ Basqarma töraǧasynyŋ orynbasary Bekzat Abaiyldanov Būrǧylau jūmystary basqarmasy qyzmetkerlerımen kezdestı, dep habarlaidy "Adyrna" ūlttyq portaly.
Töraǧa orynbasary jūmysşylardy jūmysqa şyǧuǧa şaqyrdy.
2024 jyly 12 qaraşada "Özenmūnaigaz" AQ-ǧa qarasty Būrǧylau jūmystary basqarmasy qyzmetkerlerınıŋ käsıpodaǧy rūqsatsyz aksiia ūiymdastyryp, bırqatar talap qoiǧany belgılı.
Odan bölek, 2024 jyly 3 jeltoqsanda "QazMūnaiGaz" ŪK AQ Basqarma töraǧasynyŋ orynbasary Bekzat Abaiyldanov Būrǧylau jūmystary basqarmasy qyzmetkerlerımen kezdesıp, olardy jūmysqa şyǧuǧa şaqyrdy.
"Rūqsatsyz aksiiaǧa qatysqan BJB qyzmetkerlerı tolyq qūramda jūmysqa şyǧuy kerek;
Hattamanyŋ bırınşı tarmaǧy oryndalǧan jaǧdaida, jūmysşylarǧa “QazMūnaiGaz" jäne "Özenmūnaigaz" tarapynan tärtıptık jaza qoldanylmaidy;
Barlyq qoiylǧan talap QR zaŋnamasyna säikes bıtımgerlık komissiia otyrysynda qaralsyn", - delıngen hattamada.
Hattama rūqsatsyz aksiiaǧa şyqqan jūmysşylardyŋ nazaryna jetkızıldı. Alaida, "Özenmūnaigaz" Būrǧylau jūmystary basqarmasy käsıpodaq töraǧasy oǧan qol qoiudan bas tartty.
Aita keteiık, ötken aida Aqtauda «QazMūnaiGaz» ŪK AQ enşıles käsıporny «Oil Construction» kompaniiasynyŋ jūmysşylary ereuılge şyqqan bolatyn.
Ūqsas jaŋalyqtar
