Qazaqstan prezıdenti Qasym-Jomart Toqaev Pekınge 11 qyrkúıekte resmı saparmen barar aldynda Qytaıdyń ortalyq memlekettik telearnasyna (CCTV) bergen suhbatynda "qazaq-qytaı qatynastarynyń damý perspektıvalaryna qatysty oı-pikirimen bólisti" dep habarlady Toqaevtyń baspasóz hatshysy Berik Qurmanǵalı.
"Kún tártibindegi ekijaqty máselelerden bólek, qytaılyq jýrnalısterdi Qasym-Jomart Toqaevtyń qazirgi halyqaralyq qatynastardaǵy Qytaıdyń róline, QHR-nyń 70 jyldyq mereıtoıy qarsańyndaǵy jetistikterine bergen baǵasy asa qatty qyzyqtyrdy" dep jazdy baspasóz hatshysy Facebook áleýmettik jelisindegi paraǵynda.
Toqaevtyń "jeke máselelerge qatysty saýaldarǵa da jaýap bergenin" jazǵan Berik Qurmanǵalı jýrnalısterdyń ne jaıly suraǵanyn ashyp aıtpaǵan. Onyń habarlaýynsha, suhbat CCTV telearnasynan kórsetiledi. Buǵan qosa baspasóz hatshysy óz paraqshasyna Toqaevtyń qytaı ıeroglıfterimen jazǵan hatynyń vıdeosyn jarııalaǵan.
Qytaıdyń CCTV telearnasy Qazaqstan prezıdentinen alǵan suhbattyń úzindisin jarııalaǵan. Onda Toqaev Qazaqstan úshin "Qytaımen jan-jaqty strategııalyq áriptestikti nyǵaıtýdyń asa mańyzdy" ekenin, eki eldiń ártúrli salada "dostyq yntymaqtastyq qatynas" pen "ózara senim men paıdaǵa negizdelgen" berik baılanys ornatqanyn aıtady. Toqaev Qytaıdyń "Bir beldeý – bir jol" bastamasy "bizdiń mańyzdy maqsattarymyzben tıimdi úılese alatyn" ǵalamdyq dárejedegi konepııa ekenin atap ótken.
"Qytaı eleýli tabysqa qol jetkizdi jáne Azııa men tipti búkil álem úshin úlgi bola alady. Qazirgi Qytaı – ınnovaııa salasynda progresske jáne jańa tehnologııalardy ázirleýde tabysqa jetken el. Men Qytaı Halyq Respýblıkasynyń negizi qalanǵanyna 70 jyl tolýymen quttyqtaımyn, bul shyn máninde tarıhı oqıǵa. Uly qytaı halqyna budan da zor tabys pen órkendeýdi jáne bizdiń eki eldiń arasyndaǵy dostyq pen yntymaqtastyq máńgi jalǵassyn dep tileımin" degen Toqaev.
Qytaıdyń soltústik-batysyndaǵy Shyńjań aımaǵynda turatyn etnıkalyq azshylyq ókilderiniń, solardyń ishinde qazaqtardyń aýyr jaǵdaıy týraly taraǵan habarlamalarǵa baılanysty Qazaqstanda Qytaı saıasatyna qarsy kóńil-kúı kúsheıip turǵan shaqta prezıdent Toqaev Pekınge resmı saparmen barǵaly otyr.
Ótken jyly BUU Shyńjańda bılik mıllıonǵa jýyq etnıkalyq uıǵyr, qazaq jáne ózge de túrkitildes ult ókilderin Qytaıdyń soltústik-batysyndaǵy "saıası tárbıeleý lagerlerinde" májbúrlep ustap otyrǵany týraly málimdegen. Etnıkalyq azshylyq ókilderine qysym jaıly habarlardy joqqa shyǵarǵan Pekın Shyńjańdaǵy saıasatyn "ekstremızmge qarsy shara" dep atap, álgindeı lagerlerdi "til úırenip, kásipke baýlıtyn " ortalyqtar dep túsindirgen.
Ótken aptadan beri Qazaqstanda "qytaı ekspansııasyna" qarsy narazylyq akııalary ótip jatyr. Oǵan qatysýshylar Toqaevty Qytaı saparynan bas tartýǵa shaqyrǵan. Sonymen birge narazylar úkimetten Qytaımen birlesken óndiristik jobalardy Qazaqstanda iske asyrýǵa jol bermeýdi talap etedi.
Qytaı – Qazaqstanǵa eń kóp ınvestıııa salǵan - tórtinshi, eń kóp qaryz berýshi úshinshi el.
"Azattyq" radıosy
