2024 jyly 12 qarashada «Ózenmunaıgaz» AQ-ǵa qarasty (budan ári – ÓMG) Burǵylaý jumystary basqarmasy (BJB) qyzmetkerleriniń kásipodaǵy ruqsatsyz akııa uıymdastyryp, birqatar talap qoıǵany belgili. Ózenmunaıgaz basshylyǵy BJB jumysshylarymen turaqty túrde kelissóz júrgizip keledi.
Sonymen qatar, 2024 jyly 3 jeltoqsanda «QazMunaıGaz» UK AQ Basqarma tóraǵasynyń orynbasary Bekzat Abaıyldanov Burǵylaý jumystary basqarmasy qyzmetkerlerimen kezdesip, olardy jumysqa shyǵýǵa shaqyrdy. Kelissóz qorytyndysy boıynsha hattama jasaldy:
1. Ruqsatsyz akııaǵa qatysqan BJB qyzmetkerleri tolyq quramda jumysqa shyǵýy kerek.
2. Hattamanyń birinshi tarmaǵy oryndalǵan jaǵdaıda, jumysshylarǵa QMG jáne ÓMG tarapynan tártiptik jaza qoldanylmaıdy;
3. Barlyq qoıylǵan talap QR zańnamasyna sáıkes bitimgerlik komıssııa otyrysynda qaralsyn.
Hattama ruqsatsyz akııaǵa shyqqan jumysshylardyń nazaryna jetkizildi. Alaıda, ÓMG BJB kásipodaq tóraǵasy oǵan qol qoıýdan bas tartty.
QR zańnamasyna sáıkes eńbek qatynastary úshinshi tulǵalardyń aralasýynsyz tikeleı jumys berýshi men jumysshylar arasynda rettelýi tıis ekenin habarlaımyz.
«QazMunaıGaz» UK AQ osyǵan deıin ár talap boıynsha tolyq túsinikteme bergen bolatyn. Mysaly, ÓMG zeınetkerleriniń (burynǵy qyzmetkerleriniń) balalary kompanııanyń shtatyna tikeleı alynsa, 2020 jyly bekitilgen jumysqa ornalasý algorıtmin buzady. Algorıtmge sáıkes ÓMG zeınetkerleriniń balalary men jumyssyz azamattar teń dárejede jumysqa qabyldanady. Bul talapty oryndaý múmkin emes, óıtkeni jumysqa ornalasý kezegin kútip otyrǵan Jańaózen qalasynyń basqa jumyssyz turǵyndarynyń quqyǵyn buzady.
Sondaı-aq, QazMunaıGaz kompanııasy ÓMG qyzmetkerlerine kórsetiletin áleýmettik kómek týraly tolyq aqparat berdi. ÓMG men úsh kásipodaq arasyndaǵy ujymdyq shart 2024 jyly 25 sáýirde jasaldy. Ujymdyq shartqa sáıkes ÓMG qyzmetkerlerin áleýmettik qoldaýǵa 44 mlrd teńge qarastyrylǵan, sonyń 5 mlrd teńgesi (11%) kompanııanyń Burǵylaý jumystary basqarmasyna arnalǵan.
ÓMG-de jaqsy eńbek jaǵdaıy jasalǵan dep esepteımiz, árbir qyzmetkerdi áleýmettik qoldaýǵa jyl saıyn 3,8 mln teńge bólinedi.
