İzraildıŋ būrynǧy qorǧanys ministrı Moşe Iаalon öz elın Gaza sektorynda äskeri qylmystar men etnikalyq tazartular jasady dep aiyptady. Būl turaly NBC News basylymy jariialady, dep habarlaidy “Adyrna” ūlttyq portaly.
Aqparatqa säikes, Moşe Iаalon Reshet Bet radiosyna bergen sūhbatynda İzrail ükımetı İzrail qorǧanys küşterı sarbazdarynyŋ ömırıne qauıp töndırgenın aitty. “Men Gazanyŋ soltüstıgınde qyzmet etetın qolbasşylar atynan söilep tūrmyn. Ol jerde ülken qylmystar jasalyp jatyr”, — dedı Moşe Iаalon. Al Netaniahudyŋ odaqtastary Moşe Iаalonnyŋ sözderın joqqa şyǧardy. 2005 jyly aiaqtalǧan ekınşı intifada nemese palestinalyqtardyŋ İzrail basqynşylyǧyna qarsy «köterılısınde» Iаalon İzrail qorǧanys küşterınıŋ ştab bastyǧy bolǧany belgılı. Ol sondai-aq 2013-2016 jyldary İzrail qorǧanys ministrı qyzmetın atqardy. Eske salsaq, taiauda ǧana Gaagadaǧy Halyqaralyq qylmystyq sot İzrail premer-ministrı Veniamin Netaniahudı qamauǧa sanksiia bergen. Al İzrail Halyqaralyq qylmystyq sot şeşımıne qarsy şaǧym tüsırgen. İzrail äskerınıŋ byltyrǧy qazan aiynan bergı Gaza sektoryndaǧy äreketı kezınde kem degende 3 myŋnan asa palestinalyq qaza tapty dep esepteledı. İzrail äskerınıŋ şyǧyny jüzdep sanalady.Ūqsas jaŋalyqtar
