1 jeltoqsan - Qazaqstanda Tuńǵysh prezıdent kúni. 2012-2021 jyldary mereke retinde atap ótilgen bul kún Qańtar oqıǵasynan keıin mundaı qurmetten "shettetilgen".
Bul meıramnyń 1 jeltoqsan kúni atap ótilýiniń basty sebebi 1991 jyly dál osy kúni tuńǵysh ret jalpyhalyqtyq Qazaqstan Prezıdenti saılaýynyń ótýi. Alǵashqy búkilhalyqtyq saılaý nátıjesinde Nursultan Nazarbaev tuńǵysh prezıdent atandy.
Bul kún 2011 jylǵy 10 jeltoqsanda parlament senatynyń tolyq otyrysynda «Qazaqstan Respýblıkasynyń merekeleri týraly» zańyna tolyqtyrýlar engizý týraly» zańnamasyna qol qoıylyp, memlekettik merekeler tizimine qosylǵan edi.
Keıinnen 2022 jylǵy 29 qyrkúıektegi zańmen tuńǵysh Prezıdent kúni memlekettik merekeler tiziminen alynyp tastaldy jáne endi demalys kúni emes. Qazir bul kún kásibı kún bolyp sanalady.
2023 jyly 1 jeltoqsan kúni Nursultan Nazarbaevtyń «Meniń ómirim. Bodandyqtan – bostandyqqa» atty memýarlyq týyndysy jaryq kórgen edi.
Qazaqstannyń tuńǵysh prezıdentiniń saıtyndaǵy qazirge deıingi sońǵy málimet AES qurylysyna qatysty respýblıkalyq referendýmda daýys bergeni týraly.
