13 nauryzda Qaraǧandy qalasynda Qaraǧandy oblysynyŋ 90 jyldyǧyna arnalǧan mereitoilyq ıs-şaralar aiasynda Qaraǧandy oblystyq tarihi-ölketanu muzeiınıŋ jaŋartylǧan ekspozisiiasynyŋ saltanatty aşyluy öttı. Is-şaraǧa Qaraǧandy oblysy äkımdıgı apparatynyŋ ökılderı, oblystyq basqarma basşylary, Qazaqstan Respublikasy Mädeniet jäne aqparat ministrlıgı Mädeniet komitetınıŋ ökılderı, Ūlttyq muzei men öŋırlık muzeilerdıŋ basşylary, E.A. Böketov atyndaǧy Qaraǧandy universitetınıŋ ǧalymdary, qoǧam qairatkerlerı jäne būqaralyq aqparat qūraldarynyŋ ökılderı qatysty.
Jaŋartylǧan ekspozisiia öŋırdıŋ bai tarihi-mädeni mūrasyn tanystyrudy, ūrpaqtar sabaqtastyǧyn nyǧaitudy jäne Saryarqa dalasynyŋ älemdık örkeniet tarihyndaǧy ornyn keŋınen nasihattaudy maqsat etedı. Sonymen qatar muzei ekspozisiiasy Qaraǧandy oblysynyŋ köne däuırden bastap industriialyq qalyptasuy men Täuelsız Qazaqstan kezeŋındegı damu jolyn körsetıp, ūlttyq tarihi sanany damytuǧa baǧyttalǧan.
Muzeidıŋ reekspozisiiasy 2025–2026 jyldary jüzege asyrylyp, soŋǧy 13 jyl ışındegı eŋ auqymdy jaŋǧyrtu jobalarynyŋ bırı boldy. Jobanyŋ basty maqsaty – öŋır tarihyn qazırgı ūrpaqqa jaŋa ǧylymi közqaras tūrǧysynan tanystyryp, ony zamanaui tehnologiialardyŋ kömegımen körnekı ärı mazmūndy türde jetkızu.
Jaŋartylǧan muzei keŋıstıgınde taqyryptyq installiasiialar, interaktivtı aimaqtar, multimediialyq kioskıler, gologrammalar jäne proeksiialyq jüieler ornatylǧan. Keluşıler sensorlyq ekrandar arqyly arhivtık qūjattarmen tanysyp, sirek kezdesetın eksponattar turaly keŋeitılgen aqparat ala alady. Mūndai tehnologiialyq şeşımder muzei ekspozisiiasyn tek aqparattyq ǧana emes, sonymen qatar tanymdyq ärı tartymdy mädeni alaŋǧa ainaldyrady.
Ekspozisiia jalpy sany 13 zaldan tūrady. Onda öŋır tarihy köşpelı imperiialar däuırınen bastap Qazaqstan Respublikasynyŋ Täuelsızdık kezeŋıne deiıngı tarihi kezeŋderdı qamtidy. Körmede arheologiialyq oljalar, qola jäne erte temır däuırıne jatatyn jädıgerler, qazaq halqynyŋ materialdyq mädenietı, sondai-aq Qaraǧandy qalasy men Qaraǧandy oblysynyŋ qalyptasu tarihyna qatysty qūndy derekter ūsynylǧan.
Jaŋartylǧan muzei ekspozisiiasy öŋır tūrǧyndary men qala qonaqtary üşın maŋyzdy mädeni-tanymdyq ortalyqqa ainalyp, Qaraǧandy oblysynyŋ turistık äleuetın damytuǧa da üles qospaq. Bolaşaqta muzei öŋırdıŋ negızgı turistık marşruttarynyŋ bırı retınde ūsynylady.
Qaraǧandy oblystyq tarihi-ölketanu muzeiı — aimaqtaǧy eŋ köne mädeni ortalyqtardyŋ bırı. Onyŋ jaŋartylǧan ekspozisiiasy öŋırdıŋ bai tarihyn jaŋa formatta tanystyryp, keluşılerge ötken men bügındı bailanystyratyn erekşe tanymdyq keŋıstık ūsynady.
**Mekenjai:** Qaraǧandy qalasy, Erubaev köşesı, 38
**Qaraǧandy oblystyq tarihi-ölketanu muzeiı**.
