Koreı halyq respýblıkasynyń basshysy Kım Jen Ynnyń týǵan ápkesi álemdegi turaqsyzdyq úshin AQSh pen Ýkraınany aıyptap, Reseıge qoldaý bildirýge daıar ekendigin jetkizdi. Kım E Jonnyń aıtýynsha, soltústik koreıler orys úshin jan alyp - jan berisýge daıyn otyr, dep habarlaıdy "Adyrna" ulttyq portaly "lenta.ru"-ǵa silteme kórsete otyryp.
Kım Jen Ynnyń ápkesi Kım E Jonnyń sózine sensek, Phenıan Máskeýmen birlesip, qıyn-qystaý kezeńderge qasqaıa qarsy turýǵa daıyn.
- Phenıan árdaıym Máskeý jaǵyna shyǵady. Reseı armııasymen jáne halqymen bir shepte bolyp, jertasada qatar jatyp, qarsy tarapqa oq atady, - dep málimdedi KHDR basshysynyń ápkesi, Koreıanyń Eńbek partııasy OK bólimi bastyǵynyń orynbasary Kım E Jon.
Soltústik Han Gýr hanymy Ýkraınadaǵy qaqtyǵys AQSh-tyń saıası alańǵa "shı júgirtýimen" damyǵanyn atap ótti. Sonymen qatar, Amerıkanyń Kıevke qarý tasýyn ylań áreketke balady. Reseı jaqyn kúnderi barlyq tasylǵan qarýdy tartyp alyp, órtep jiberetinine kámil senetinin basa aıtty.
Mundaı derekterdi, Soltústik Koreıa kóshbasshysynyń týystarynyń sózderin, KHDR Ortalyq telegraf agenttigi (TAK) keltiredi.
"Adyrna" ulttyq portaly.
