Biylǧy jyly Jetısu oblysy qoǧamdyq damu jäne bılım basqarmalarynyŋ ūiymdastyruymen oquşylar arasynda mektep parlamentın damytuǧa, bılım aluşylardyŋ qoǧamdyq jūmystarǧa aralasuyna, öz oilaryn erkın jäne aşyq aituǧa, ideialarymen bölısıp, jobalaryn ıske asyruǧa qoldau körsetu maqsatynda arnaiy joba ıske asyryldy.
Jetısu oblysy oquşylarynyŋ belsendılıgı quantady. Eŋ aldymen öŋır basşysy B.İsabaevpen erkın formatta kezdesıp, kökeide jürgen sūraqtaryn qoiyp, özderınıŋ bırqatar jobalaryna qoldau tapqan bolatyn. Sonymen qatar, oblys basşysynyŋ şeşımımen mektep parlamentınıŋ 1 ökılı, jas köşbasşy «Jastar mäselelerı jönındegı keŋeske» müşe bolyp endı.
Joba aiasynda oquşylar arasynda jazǧy, qysqy lagerler, oqytu kurstary, seminar-treningter, intellektualdyq oiyndar jäne t.b. şaralar ūiymdastyryluda.
Qorytyndy şaralardyŋ bırı retınde aǧymdaǧy jyldyŋ 13 qaraşa künı Taldyqorǧan qalasy oquşylar saraiynda balalar-jasöspırımder qozǧalysy köşbasşylarynyŋ «Äreket uaqyty» oblystyq balalar qūryltaiy öttı.
Jetısu oblysynyŋ barlyq audan, qalalarynan kelgen belsendı balalar, jasöspırımder qozǧalysynyŋ 100 ökılı oquşylardyŋ özın-özı basqaru, köşbasşylyq, mediasiia, ǧylym, öner, sport salasyndaǧy bılımderın keŋeitu üşın jinaldy. Şarada mektep parlamentterınıŋ prezidentterı, pıkırsaiysşylar, mektep ministrlerı, belsendı jäne şyǧarmaşylyq tūlǧalar, kez kelgen maqsatqa jetuge daiyn köşbasşylyǧy basym jasöspırımder qatysty.
Oblystyŋ 8 audan 2 qalasyn tanystyryp kelıp otyrǧan Mektep parlamentınıŋ prezidentterı jäne ministrlerı jetken jetıstıkterın körmege qoiylǧan jūmystary retınde tanystyryp körsettı.
Oblystyq qūryltai ärbır jastyŋ öz daǧdylaryn körsete alatyn, öz ideialaryn bıldıre alatyn jäne mektep parlamentınıŋ damuyna üles qosa alatyn eksperimentterge toly bıregei alaŋǧa ainaldy.
Daryndy jas köşbasşylar treningterge jäne kezdesulerge qatysyp, ärtürlı ideialardy talqylady, täjıribe almasty jäne bır-bırın jaŋa jetıstıkterge şabyttandyrdy.
Aita ketetın jäit, şaraǧa qatysuşy jastarǧa oblystyq üş kündık qysqy lagerge joldama berıldı.
Qūryltaidyŋ barlyq qatysuşylaryna barlyq ızgı armandary oryndalyp, bolaşaqtary jarqyn bolyp, egemendı elımızdıŋ bılıktı azamattary boluyn tıleimız.
Ūqsas jaŋalyqtar
