Tegeranda ıslamdyq kıim úlgisiniń engizilýine narazylyq retinde kıimin sheshken stýdent qyz Ahý Darıaıdiń jaǵdaıy belgili boldy, dep habarlaıdy "Adyrna" ulttyq portaly.
Amnesty International quqyq qorǵaý uıymy bul oqıǵaǵa qatysty pikir bildirip, stýdenttiń óz kıimin "mindetti túrde jabyq kııýdi talap etken qaýipsizdik qyzmetkerleriniń áreketine narazylyq retinde" sheshkenin málimdedi. Uıym Darıaıdi "shuǵyl jáne eshbir shartsyz bosatýǵa" shaqyrǵan bolatyn.
Daily Mail basylymynyń jazýynsha, halyqaralyq synnan keıin Irannyń sot organdary 19 qarashada stýdentke eshqandaı aıyp taǵylmaǵanyn jáne onyń otbasyna qaıtarylǵanyn habarlady.
"Ol aýrýhanaǵa jetkizilgennen keıin densaýlyǵynda másele bar ekeni anyqtalyp, otbasyna tapsyryldy. Oǵan qatysty qylmystyq is qozǵalmaǵan", – dep málimdedi sot ókili Asgar Djahangır.
1979 jylǵy Islam revolıýııasynan keıin Iranda áıelderge jabyq kıiný mindettelgen. Ahý Darıaıdiń narazylyq áreketi eldegi resmı tulǵalar tarapynan qatań synǵa ushyrady.
Irannyń ǵylym mınıstri Hosseın Sımaı stýdenttiń áreketin "ádepsiz jáne dástúrge qaıshy" dep ataǵanymen, onyń ýnıversıtetten shyǵarylmaǵanyn aıtty. Ýnıversıtettiń ókili Amır Mahdjýbtyń aıtýynsha, stýdenttiń polıııa bóliminde qatty psıhologııalyq qysym kórip, psıhıkalyq aýytqýdan zardap shegetini anyqtalǵan.
Alaıda áleýmettik jeli qoldanýshylarynyń keıbiri onyń áreketi ádeıi uıymdastyrylǵan narazylyq bolýy múmkin ekenin aıtýda.
Eske sala keteıik, 2 qarasha kúni Tegeranda hıdjab zańdaryna qarsy ekenin kórsetý úshin ish kıimge deıin sheshinip, narazylyq bildirgen stýdent qyzdyń ustalǵany jaıly jazǵan edik. Ony qaýipsizdik qyzmetkerleri ustap, keıin psıhıatrııalyq aýrýhanaǵa aparǵan.
Bul oqıǵa Irandaǵy áıelderge qatysty zańdardy qaıta qaraý jáne olardyń quqyqtaryn qorǵaý máselelerin odan ári kúsheıtti.
