Almatyda Qazaq ulttyq qyzdar pedagogıkalyq ýnıversıtetiniń 80 jyldyq mereıtoıy atap ótildi. Ýnıversıtette «Bilimdi qyzdar – bilimdi ult» taqyrybynda Halyqaralyq forým ótti. Mereıtoı aıasynda elimizdiń bilim jáne ǵylym salasyna eńbegi sińgen tulǵalar, ýnıversıtet túlekteri jáne professorlyq-oqytýshylyq quramy marapattaldy.
Halyqaralyq forýmǵa Ýnıversıtettiń Dırektorlar keńesiniń tóraǵasy Óksikbaev Omarhan Nurtaıuly, QR Prezıdent janyndaǵy Ulttyq Ǵylym akademııasynyń Prezıdenti Kúrishbaev Aqylbek Qajyǵululy,Ulttyq ınjenerlik akademııa Prezıdenti Jumaǵulov Baqytjan Tursynuly, QR Parlamenti Májilisi depýtaty, Prezıdent janyndaǵy Áıelder isteri jáne demografııalyq saıasat jónindegi Ulttyq komıssııa múshesi Abden Qaraqat Jaqsylyqqyzy, Qazaq KSR Halyq aǵartý isiniń úzdigi Aıagúl Tóreqyzy Mırazova, Ekonomıka ǵylymdarynyń doktory, professor, akademık, «Turan» ýnıversıtetiniń rektory, Qazaqstan Respýblıkasy Joǵary oqý oryndary qaýymdastyǵynyń Prezıdenti Alshanov Rahman Alshanuly, Prezıdent janyndaǵy Ulttyq ǵylym akademııasy Dırektorlar keńesiniń táýelsiz dırektory, Ulttyq quryltaı múshesi, Ulttyq ǵylym akademııasynyń akademıgi, fılologııa ǵylymdarynyń doktory, professor Qurmanálıev Kárimbek Arystanbekuly, Qazaqstannyń Eńbek Eri, Qazaqstan Respýblıkasy Parlamenti Májilisiniń depýtaty Smırnova Irına Vladımırovna qatysyp, quttyqtaý sóz sóıledi.
Qazaq ulttyq qyzdar pedagogıkalyq ýnıversıtetiniń Basqarma Tóraǵasy – Rektory Qanaı Gúlmıra Ámirhanqyzy Dırektorlar keńesiniń Tóraǵasyna alǵysyn bildirip, ýnıversıtettiń damýyna qosqan úlesi úshin medal tabys etti.
«Mereıtoı aıasynda bir jyl boıy kóptegen konferenııalar, ǵylymı jobalar júzege asyryldy, ortalyqtar ashyldy, professorlar dáris oqydy. Biraq búgingi kún erekshe, sebebi ýnıversıtetimizdiń basty jetistigi, qoǵamǵa bergen jaqsylyǵy sizderdiń aldaryńyzda otyr. Ýnıversıtetimizdiń órkendep, ósýine úles qosyp júrgen el aǵalaryna alǵys aıtamyn. Omarhan Nurtaıuly ýnıversıtetimizge kólemdi ınvestıııa alyp keldi. Qyzdardyń bilim alýyna qoldaý bildirip, memleket tarapynan Almatynyń ortalyǵynan ǵımarat berilýine, zerthanalardyń ashylýyna septigin tıgizdi», – dedi rektor.
Shara barysynda Qazaqstannyń eńbek sińirgen qaıratkeri Aıagúl Tóreqyzy Mırazova ujymdy quttyqtap, jumysyna sáttilik tiledi.
«Qazaq ulttyq qyzdar pedagogıkalyq ýnıversıtetiniń 80 jyldyǵy – barsha Qazaqstannyń qýanyshy desem, artyq aıtqanym emes. Ozyq oıly ultty tárbıeleýde ana men ustazdyń alar oryny erekshe. Al Qazaq ulttyq qyzdar pedagogıkalyq ýnıversıteti osy jolda aıanbaı eńbek etýde. Nebir tulǵalar osy ýnıversıtetten túlep ushty. Tarıhy óte tereń ýnıversıtetimiz órkendeı bersin. Bilikti ustazdarymyz, eldi álemge tanytatyn túlekterimiz kóp bolǵaı», – dedi Aıagúl Tóreqyzy.
QR Parlamenti Májilisi depýtaty Smırnova Irına Vladımırovna óz sózinde qyz balanyń tárbıesiniń mańyzdylyǵyn erekshe atap ótti. Tárbıeli, izgi qasıetterge ıe qyzdar bolashaqta ulttyń ar-namysyn saqtaıtyn, qoǵamǵa úlgi bolatyn urpaqty qalyptastyrýda sheshýshi ról atqaratynyn aıtty.
Forýmda QyzPU rektory Qanaı Gúlmıra Ámirhanqyzy elimizdiń bilim jáne ǵylym, mádenıet salalaryn damytýǵa úles qosqan túlekterge alǵys aıtyp, mereıtoılyq tósbelgi tabystady.
Ýnıversıtettiń beldi túlekteri belgili aqyn jáne qoǵam qaıratkeri, Qazaqstannyń eńbek sińirgen qaıratkeri, Qazaqstan Respýblıkasy Memlekettik syılyǵynyń laýreaty Aqushtap Baqtygereeva, Ulaǵatty ustaz, memleket jáne qoǵam qaıratkeri, «Parasat» ordeniniń ıegeri Orazkúl Asanǵazy, Tanymal qoǵam qaıratkeri, Qazaqstannyń eńbek sińirgen qaıratkeri, fılologııa ǵylymdarynyń kandıdaty, professor, «Parasat» jáne 2 dárejeli «Dostyq» ordenderiniń ıegeri Asyly Álıqyzy Osman quttyqtaý sóz sóıledi.
Mereıtoı aıasynda ýnıversıtet tarıhyndaǵy aıtýly oqıǵa – QyzPU jańa oqý ǵımaratynyń ashylý rásimi ótti. Jańa korpýstyń lentasyn Qazaqstannyń eńbek sińirgen qaıratkeri, ýnıversıtet túlegi Orynsha Qarabalına, QR Ǵylym jáne joǵary bilim mınıstri Saıasat Nurbek jáne Ýnıversıtettiń Dırektorlar Keńesiniń Tóraǵasy Omarhan Óksikbaev kesti.
Sonymen qatar ýnıversıtette Pánaralyq ǵylymı zerthananyń ashylý rásimi ótti. Saltanatty sharaǵa hımııa ǵylymdarynyń doktory, professor Muhamedqalı Mataev jáne Ýnıversıtettiń Dırektorlar Keńesiniń Tóraǵasy Omarhan Óksikbaev qatysyp, lentasyn qıdy.
«Ýnıversıtet jas mamandardy tárbıelep qana qoımaı, ǵylym salasyn damytýǵa da den qoıyp otyr. Úlken ǵylymı ordaǵa aınalýyna kóńil bólip, zerthanalar ashyp jatyrmyz. Respýblıkada joq qurylǵylar aldyndy. Zerthanadaǵy oqýdyń 30%-y oqý-ádistemelik bolsa, 70%-y ǵylymı tájirıbe jınaqtaýǵa baǵyttalǵan. Ǵalymdardyń osy zerthanalardaǵy tájirıbesiniń arqasynda elimizde ǵylymı jańalyqtar bolady senimdemin. Sondyqtan bul ýnıversıtet tek muǵalim daıarlaýǵa ǵana emes, ǵylymdy damytýǵa da úles qosady», – dedi Omarhan Óksikbaev.
Zerthanalyq ortalyq «hımııa-bıologııa-fızıka» baǵytyndaǵy irgeli jáne qoldanbaly ǵylymı zertteýler júrgizýge negizdelgen, bolashaqta basqa da baǵyttardy qamtıdy dep josparlanýda.
Ol ártúrli salalarda zertteýler júrgizýge arnalǵan zamanaýı qurylǵylarmen jabdyqtalǵan. Ortalyqta túrli baǵyttaǵy zerthanalar bar: spektrlik taldaý zerthanasy, rentgendik fazalyq taldaý zerthanasy, jańa materıaldardy sıntezdeý zerthanasy, kvanttyq magnıtometrııalyq zertteýler zerthanasy, elektrondyq qurylymdyq zertteýler zerthanasy, tabıǵı qosylystar hımııasy zerthanasy, kreatıvti ıdeıalar jáne yntymaqtastyq zerthanasy, bıomedıınalyq zertteýlermen aınalysatyn bıomedıınalyq zertteýler zerthanasy jáne jańa bıologııalyq ónimder men tehnologııalardy jasaý úshin bıotehnologııa jáne gendik ınjenerııa boıynsha zertteýler júrgiziletin bıotehnologııalyq zertteýler jasaıtyn zerthana.
Mereıtoı aıasynda ótken mańyzdy sharalardyń biri – ýnıversıtette «Mazmundama» baspasymen birlese jańa ıdeıalar men kreatıvti bastamalarǵa arnalǵan «QyzPU Unispace» kovorkıng ortalyǵynyń saltanatty ashylýy ótti. Ortalyqtyń resmı ashylýyna memleket jáne qoǵam qaıratkeri, «Parasat» ordeniniń ıegeri Orazkúl Asanǵazy, Qazaqstannyń eńbek sińirgen qaıratkeri, ýnıversıtet túlegi Asyly Álıqyzy Osman, QR Parlamenti Májilisi depýtaty, Prezıdent janyndaǵy Áıelder isteri jáne demografııalyq saıasat jónindegi Ulttyq komıssııa múshesi Abden Qaraqat Jaqsylyqqyzy qatysty. Ashylý saltanatynda «Mazmundama» baspasynyń negizin qalaýshy Shyńǵys Muqan jobany kópshilikke tanystyryp, ortalyqtyń mańyzdylyǵy men bolashaǵy jaıly óz pikirin bólisti. Bul – ýnıversıtettiń shyǵarmashyl ári izdenimpaz jastarǵa qoldaý kórsetýdegi kezekti mańyzdy qadamy.
Mereıtoı aıasynda jańadan ashylǵan jańa ǵımaratta QyzPU Michigan State University-men strategııalyq seriktestik týraly kelisimge qol qoıdy. QyzPU men Sussex University arasynda yntymaqtastyq týraly kelisimge qol qoıyldy. Sonymen qatar QyzPU, Education University of Hong Kong jáne Abaı atyndaǵy Qazaq ulttyq pedagogıkalyq ýnıversıteti arasynda ustazdar biliktiligin arttyrý akademııasyn qurý týraly shartqa qol qoıyldy. Elimizdiń bilim salasy úshin mańyzdy taǵy bir jańalyq – Education University of Hong Kong pen Qazaqstannyń joǵary oqý oryndarynyń rektorlary arasynda Alıans qurý týraly shartqa qol qoıylýy. Atalǵan kelisim Qazaqstanda bilim berý men ǵylymı zertteýlerdi jańa deńgeıge kóterýge jol ashady dep kútilýde.
Michigan State University Bilim kolledjiniń halyqaralyq zertteýler jónindegi Vıe-dekany, professor Amıta Chýdgar kelisimniń mańyzdylyǵyn atap ótip, eki taraptyń ózara yntymaqtastyǵy bilim berý júıesin jetildirip, ǵylymı izdenister men ınnovaııalyq sheshimderdi júzege asyrýǵa zor úles qosatynyn bildirdi. Sussex University Bilim jáne áleýmettik ǵylymdar mektebiniń jetekshisi, Vıe-Prezıdenti professor Saımon Tompson QyzPU-men eki jyldan beri seriktestik ornatyp kele jatqanyn, osy ýaqytqa deıin oqytýshylardyń ǵylymı zertteý potenıalyn kóterý boıynsha birlesken jumystar atqarǵanyn aıtty. Professor bul kelisimniń negizgi maqsaty muǵalim daıarlaýdy ǵana emes, bilim berýdegi zertteýlerdi damytý boıynsha da birlesken jobalardy júzege asyrý ekenin atap ótti. Gonkong bilim berý ýnıversıteti Vıe-prezıdenti professor Lo Sıng Kaı ýnıversıtetpen birlese muǵalimderdiń biliktiligin arttyrýǵa arnalǵan kásibı oqytý baǵdarlamalaryn ázirleýge daıyn ekenin jetkizdi.
80 jyldyq mereıtoıdyń qorytyndy is-sharasy Balýan Sholaq mádenıet jáne sport saraıynda ótti. QR Ǵylym jáne joǵary bilim mınıstri Saıasat Nurbek quttyqtaý sóz sóılep, ýnıversıtettiń professorlyq-oqytýshylyq quramyn Ǵylymǵa qosqan úlesi úshin marapattady.
«80 jyl buryn sol kezdegi basshylar eń qıyn kezeńde, álemdik soǵystyń tórtinshi jylynda ýnıversıtet ashý týraly úlken sheshim qabyldady. Ejelgi Grekııada bir jaqsy naqyl sóz bar. «Qoǵam qashan úlken bolady? Sol qoǵamdaǵy adamdardyń úlkenderi kóleńkesine otyra almaıtynyn bile tura aǵash ekken». 1944 jyly úlken aǵash egildi, sol aǵashtyń kóleńkesinde qazir biz otyrmyz. Sol aǵashtyń jemisin – 12 myńnan asa stýdentti qazir biz kórip otyrmyz. Birinshiden, ustazdarǵa, professorlyq-oqytýshylyq quramǵa, ýnıversıtet basshylyǵyna aıtarym, aǵashtardy ege berińizder, shamshyǵarymyz sónbesin. Qyzdar ýnıversıteti – tek bilim berý ordasy emes, ulttyq qunylyqtardy dáripteýshi jáne tikeleı qoǵamǵa jetkizýshi bilim ordasy», – dedi mınıstr.
Saltanatty keshte qonaqtar konerttik baǵdarlama tamashalap, Ýnıversıtet túlegi, Qazaqstannyń eńbek sińirgen ustazy Orynsha Qarabalına 1 kýrs bilim alýshysyna Stýdenttik bılet tabystady.
