Endi mektep oqýshylary «Bolashaq» baǵdarlamasymen shetelde bilim ala alady. Bul týraly depýtat Ashat Aımaǵambetov aıtty, dep habarlaıdy «Adyrna» tilshisi.
Ol baǵdarlama boıynsha mektepte halyqaralyq olımpıadalar men ǵylymı jobalar konkýrstarynda jeńiske jetken talapkerlerge shetelde bakalavrıatta bilim alýǵa múmkindik berý usynylǵanyn atap ótti.
«Jetekshi sheteldik ýnıversıtetter halyqaralyq olımpıadalardyń jeńimpazdaryna birden bakalavrıatqa grant usynady, sonyń nátıjesinde olar shetelge ketip qalady. Osy kezeńde biz tıisti qoldaý usyna almadyq, sondyqtan biz jıi mundaı daryndy jastardan aıyrylyp qaldyq. Olar tek shetelde bilim alyp qoımaı, keıin sol jaqta qalyp qoıatyn edi», – dedi Aımaǵambetov.
Depýtattyń pikirinshe, daryndy balalarǵa memlekettik bıýdjet esebinen grant berý – mańyzdy qadam.
«Endi «Bolashaq» baǵdarlamasy eń daryndy oqýshylar úshin bakalavrıattan bastap qoljetimdi bolady. Bul – jas talanttardy qoldap, olardy elde ustaýǵa múmkindik beretin mańyzdy jańashyldyq. Olar álemniń úzdik joǵary oqý oryndarynda bilim alyp, keıin elge oralyp, Qazaqstannyń damýyna óz úlesterin qosady. Daryndy balalardy qoldaý – olardyń bolashaǵyna salynǵan ınvestıııa ǵana emes, bul Qazaqstannyń damýyna baǵyttalǵan strategııalyq qadam», - dep tolyqtyrdy ol.
Aıta keteıik, qazir «Bolashaq» baǵdarlamasy tek magıstratýra men doktorantýraǵa arnalǵan.
