Qostanaı oblysynda tórt adam kómirqyshqyl gazynan ýlanyp kóz jumdy. Qaıǵyly oqıǵa 17 qarasha kúni Amangeldi aýdany Tasty aýyldyq okrýgine qarasty Qarynsaldy aýylynda bolǵan, dep habarlaıdy «Adyrna» tilshisi.
«Kómirqyshqyl gazynan ýlaný saldarynan tórt adam, sonyń ishinde 2021, 2022 jáne 2016 jyly týǵan balalar men 1957 jyly týǵan atasy qaıtys boldy. Taǵy úsh adam – ákesi, anasy jáne 2020 jyly týǵan uly Arqalyq qalasynyń aýrýhanasyna jetkizildi»,—delingen habarlamada.
«TobylInfo» basylymynyń málimetinshe, otbasy az qamtylǵan sanattan bolǵan.
Eske salaıyq, buǵan deıin Astanada jekemenshik úıdegi órtten tórt bala qaza tapqanyn jazǵan edik.
