Jelıde küdıkke ılıngen Perizat Qairatqa qatysty türlı aqparat tarap jatyr, dep habarlaidy “Adyrna” ūlttyq portaly.
Su tasqynynan zardap şekkenderge jinalǧan 1,5 milliard teŋgenı jymqyrdy degen küdıkke ılıngen erıktı Perizat Qairatpen “bırge oqydym” degen äiel adam jelıde video jariialady.
Onyŋ sözınşe, ol Perizatpen bır kolledjde oqyǧan. Sondai-aq, video jüktegen äiel adam Perizattyŋ jataqhanada telefon ūrlap, oqudan şyqqanyn aitqan.
Beitanys boijetennıŋ videosy Instagram jelısındegı abdulla_kz paraqşasynda jariia boldy. Onda beinedegı qyz estrada-sirk kolledjınde Perizat Qairatpen bırge oqyǧanyn aitqan.
“Sol kezde Aqtaudyŋ kolledjınen 2-kursqa Qasenǧalieva Perizat degen qyz auysyp keldı. Bır jarty jylǧa jetpeitın az uaqyt ışınde onyŋ artynan jataqhanada telefon, kameralardy ūrlap, sonyŋ aqşasymen kün köretını turaly äŋgıme taraidy. Ol qyzdy keiın tıptı oqudan şyǧaryp jıberdı. Keide sol qyz qaida kettı eken dep oilaityn edım”, – dedı ol.
Ol jelıdegı aqparatqa män bermegenın de aitty.
“Keiın TikToktan bır qaiyrymdylyq qordyŋ basşysy ūstalyp jatyr eken degen aqparatty kördım. Bıraq män berıp qaraǧan joqpyn. Ötkızıp jıberdım. Keiın qaraimyn dep jürıp, ūmytyp ketıppın. Bügın menıŋ mūǧalımımnen habarlama keldı. “Mynau bızde oqyǧan Qasenǧalieva Perizat pe?” dep sūrapty. Aşyp qarasam däl özı eken. “Auru qalsa da, ädet qalmaidy” dep halyq beker aitpaidy eken ǧoi. Student kezınde sol ūrlyǧy üşın oqudan şyǧaryp jıberıp edı, endı qazır bükıl Qazaqstan bıletındei ūstalyp jatyr”, – dep qorytty ol.
Aita keteiık, Astana qalalyq soty Perizat Qairattyŋ ekı aiǧa qamauǧa alynǧany turaly habarlaǧan bolatyn.
Ūqsas jaŋalyqtar
