Atyraýdaǵy «Dına» bazarynda eki er adamnyń arasynda janjal týyp, sońy kisi ólimimen aıaqtaldy, dep habarlaıdy "Adyrna" ulttyq portaly.
Kýágerlerdiń aıtýynsha, janjal Amandyq Saǵynǵalıev esimdi jergilikti kásipkerdiń abaısyzda basqa er adamnyń kóligin syryp ketken soń bastalǵan. Turǵyndar soqqyǵa jyqqan er adamnyń saqaldy ekenin aıtady.
Beınebaqylaý kamerasynda zardap shekken kóliktiń júrgizýshisi marqumnyń betine toǵyzynshy soqqy bergende, er adam qulap ketken. Biraq aýyr soqqy alǵan adam qaıta ornynan kóterilgen. Al er adamnyń onynshy soqqysy birden adam ólimine ákelgen. Al agressor birden oqıǵa ornynan asyǵys ketip qalǵan.
Qaıǵyly oqıǵa 11 maýsym kúni kúndiz bolǵan. Alaıda soqqyǵa jyǵylǵan azamatqa eshkim kómektesýge asyqpaǵan.
Jelidegi toptarda taraǵan beıresmı dybystyq habarlamada soqqyǵa jyǵylǵan azamattyń jergilikti kásipker ekeni aıtylǵan. Ol sol kúni áıelimen birge bazardan taýar alýǵa kelgen.
Atyraý oblystyq polıııa departamenti bul fakti boıynsha qylmystyq is qozǵalyp, tergeý júrip jatqanyn habarlady.
«Kúdikti ýaqytsha ustaý ızolıatoryna jetkizildi», - delingen habarlamada.
Al Almas Altaı esimdi jeli qoldanýshysy marqumnyń ólimi qalaı bolǵanyn jazdy.
"Atyraý oblysy, Qyzylqoǵa aýdany dep tur ǵoı, oqıǵa sol Atyraýda bolsa kerek. Aýyldan qalaǵa kelgen, bazardan júk tıep, elge qaıtpaq bop turǵan Amandyq Saǵynǵalıev Muhtar Ahmedovtyń eski mersiniń esigin maıystyryp, máshinniń esigi jabylmaı qalady.
Amandyq aǵanyń qaltasynda qaraıǵan aqsha bolǵan, isti sol jerde jaýyp ketetin de múmkindigi bolǵan. Alaıda, Muhtar Ahmedov sóılespeı, birden judyryqqa júgingen. Amandyq aǵanyń jasy 60 qa taıap qalǵan, al, Muhtar 40 qa da jetpepti...
Altynshy álde jetinshi judyryq siltengen soń Amandyq aǵa ornynan tura almaı qalǵan. Aınaladaǵydar JJ shaqyrǵan, aǵanyń qyzy kelgen júgirip, dárigerler Amandyq aǵany kólikke salyp jatqanda Muhtar áli boqtap, aıǵaılap júrgen.
Sodan biraz ótkende Amandyq aǵanyń týmalastary - jigitter bazarǵa kelgen, mán jaıdy bilgen. Muhtar "men bir-aq ret urdym, shal qulap qaldy, basy tasqa soqty, tura almaı qaldy" degen...
Alaıda, bazar aldyndaǵy kameraǵa bári anyq túsken, Ahmedov Amandyq aǵany birneshe ret urǵan, jetektep tasa jerge ákelip, taǵy urǵan", - delingen jazbada.
