17 şılde künı Almatyda er adam ūlymen töbelesken 8 jastaǧy balany soqqyǧa jyqqan. Būl turaly jäbırlenuşınıŋ äkesı äleumettık jelıge video jariialady, dep habarlaidy “Adyrna” ūlttyq portaly.
“17 şılde künı saǧat 18.00-19.00 aralyǧynda menıŋ 8 jastaǧy ūlym aulada oinap
jürgen. Oinap jürıp körşı balamen eregısıp qalady. Sol körşı balanyŋ äkesı kelıp balamdy aiausyz, qatygezdıkpen basynan 2-3 ret ūryp soqqyǧa jyǧady. Ūlym alǧan soqqydan basy ainalyp qūlap, ornynan tūrǧan sätte, sol aiaǧynan samokatpen ūrady.
Köşede ötıp bara jatqan adamdar ūlyma jaqtasyp, aman alyp qaldy. Sol jerde balasymen ötıp bara jatqan ana, balamdy agressiiamen, ūryp qorqytyp, aiqailap jatqanyn er adamdy körıp videoǧa tüsırıp, ūlymdy üige jetektep alyp keldı” delıngen jazbada.
Alynǧan soqqydan 8 jastaǧy er balanyŋ aiaǧy synǧan.
“Alynǧan soqqydan balamnyŋ aiaǧy syndy. Denesı kögerıp, qol aiaqtary syrylǧan. Qatty küizelıske ūşyrady.
Ūlym erkın küresten QR turnirlerınıŋ chempiony. Bapkerımızdıŋ ümıt artqan sportşysy. Tıze synǧandyqtan, endı sportqa bara almaidy.
Balamnyŋ bolaşaǧyŋ, qanşama ter tökken eŋbegın tartyp aldy”, delıngen jazbada.
