Maŋǧystau oblysyndaǧy Jaŋaözende "Özenmūnaigazǧa" qarasty "Būrǧylau jūmystary basqarmasy"(BJB) kompaniiasynyŋ jūmysşylary ereuılge şyqty, dep habarlaidy "Adyrna" ūlttyq portaly Azattyq radiosyna sıltep.
BJB kompaniiasynyŋ jūmysşylary jūmysty toqtatyp, basşylyqqa bes türlı talap qoiǧan. Olar: ÖMG zeinetkerlerı men densaulyǧynan aiyrylǧan mūnaişylardyŋ balalaryn tıkelei ştatqa alu, Jaŋaözen qalasynda jūmyssyzdyq mäselesın şeşu, Ūjymdyq şartta 2013 deiın bolǧan derbes eŋbekaqy töleu jüiesın qaitaru, maşinister men operatorlardyŋ därejesın köteru, 30% qosymşa jalaqy tärtıbın töleudı ūjymdyq şartqa engızu.
"Eger bız derbes eŋbekaqy töleu jüiesıne ötsek, jalaqymyz ösedı. Mysaly bızden tabys salyǧyn jäne özge de salyq türlerın ailyǧymyzdan ūstaidy. Sony menıŋ tüsınıgım boiynşa, jaŋa jüiege ötsek, bızden ūstamaidy. Bızden ūstalǧan salyq bızdıŋ zeinetaqy jüiesıne qūiylady" degen narazylyqqa şyqqan jūmysşylardyŋ bırı Ǧaziz Mahambetov Azattyq tılşısıne.Azattyqtyŋ habarlauynşa, 13 qaraşada "Özenmūnaigazǧa" qarasty taǧy üş mekeme BJB-nyŋ talaptaryn qoldap, jūmysqa şyqpaǧan. Jelıde taraǧan videonyŋ bırınde ÖMG-ǧa qarasty mekeme jūmysşysy delıngen bır adam "BJB talaptaryn qoldap, bır saǧatqa jūmysty toqtattyq" dep aitady. Videoda jūmysşylardyŋ ǧimarat ışınde tūrǧany baiqalady.
"BJB-nyŋ basynda bar mäsele olarda da bar. 32, 33, 35-mekemeler jūmysqa şyqpapty. Men özım bügın bır mekemege baryp keldım. Olar jüz paiyz şyqpai tūrmyz”, - dedı Ǧaziz Mahambetov.Jūmysşy Ǧaziz Mahambetov bır kün būryn keşke BJB mekemesınıŋ ereuılşılerıne "Özenmūnaigazdyŋ" bas direktory, kadr bölımınıŋ jetekşısı, bas ekonomist kelıp, qyzmetkerlerdıŋ talabyn tyŋdaǧan. Olar jūmysşylarǧa "talaptaryŋ zaŋsyz" dep aitqan.
"Bız būl talapty aityp kele jatqanymyzǧa jetı ai boldy, osy uaqyt aralyǧynda eşteŋe özgermedı. Būǧan deiın bızdıŋ jıgıtter tıptı Astanaǧa deiın baryp, "QazMūnaigazǧa" jazbaşa aryzymyzdy tapsyryp kelgen. QMG-nyŋ jaŋa basşysy būl talap dūrys ekenın aitqan" deidı Ǧaziz Mahambetov.Azattyq radiosy "Būrǧylau jūmystary basqarmasy" mekemesıne habarlasqanmen äzırge jauap ala almaǧan. Bügınde mekemenıŋ direktory mındetın atqaruşy Meŋdıbai Qosjanov jurnalisterdıŋ sūraqtaryna jauap bermeitının aityp, telefon tūtqasyn qoia salǧanyn aitady. Aita keteiık, nauryz aiynda «Qazmūnaigaz» ŪQ» AQ jūmysşylary da ereuılge şyqqan bolatyn.
Ūqsas jaŋalyqtar
