Batys Qazaqstan oblysynyń ákimi Narıman Tóreǵalıev Astanada ótken baspasóz máslıhatynda BAQ ókilderiniń tas jolǵa qatysty suraǵyna jaýap berdi, dep habarlaıdy “Adyrna” ulttyq portaly.
Jýrnalıster ákimnen «Bókeı ordasy men Jánibek aýdany aparatyn jol kópten beri jyr bolyp júr. Salynyp jatqan tas joldyń qanshasy aıaqtaldy jáne qansha shaqyrymy qaldy?» dep surady.
«Búgingi kúni Bókeı ordasy men Jánibek aýdanyna jol salynyp boldy. Qazir respýblıkalyq bıýdetten qarjy bólinip, Bókeı ordasy aýdanynyń Saıqyn aýylynyń tusynan Han ordasyna deıingi 21 shaqyrym joldy jóndeý jumystary júrip jatyr. Bıylǵy jyldyń aıaǵyna deıin 21 shaqyrym jol aıaqtalatyn bolady. Al aýdan ortalyqtary Kaztalovka, Bókeı ordasy jáne Jánibek aýdany oblys ortalyqtarymen tikeleı baılanystyryldy ıaǵnı jol jetti», – dedi oblys ákimi.
