Batys Qazaqstan oblysynyŋ äkımı Nariman Töreǧaliev Astanada ötken baspasöz mäslihatynda BAQ ökılderınıŋ kiık etıne qatysty sūraǧyna jauap berdı, dep habarlaidy “Adyrna” ūlttyq portaly.
Öŋır basşysyna «Kiık etın jergılıktı et kombinattary öŋdep jatyr ma, älde ol Reseige satylyp jatyr ma?» degen saual qoiyldy.
«Özderıŋız bılesızder, kiık sanyn retteudı qazır toqtattyq, iaǧni, olardy atyp nemese qolmen aulap, ūstauǧa da bolmaidy. Sondyqtan olardyŋ etınen konservı daiyndau nemese etın satu jönınde aqparat joq", - dedı äkım. Nariman Töreǧalievtıŋ aituynşa, bügıngı taŋda oblys basşylyǧy Resei Federasiiasynyŋ jauapty organdarymen özara kiıkterdıŋ būrynnan qalyptasqan migrasiia joldaryn aşu jönınde kelısımge keldı.
«Aqbökenderdıŋ jaiylyp jürgen eldı mekenderı arasynda būrynnan qalyptasqan joldary oŋtüstık audandarda ekenın aittym. Olar Reseidıŋ şekarasyna ötedı nemese Qazaqstan şekarasyna kıredı. Osyǧan bailanysty ekıjaqty şekara arqyly joldaryn aşu jönınde ekı memleket kelısımge keldı. Bızdıŋ Ekologiia ministrlıgı men Resei Federasiiasynyŋ osyǧan jauapty ministrlıkterı jūmys ıstep jatyr. Äzırge kiık etın satyp ta jatqan joq, eşqandai konserv te jasap jatqan joq», - deidı ol.
