Almatynyń qylmystyq ister jónindegi mamandandyrylǵan aýdanaralyq soty Qaırat Satybaldynyń burynǵy jubaıy Gúlmıra Satybaldyǵa qatysty úkim shyǵardy, dep habarlaıdy “Adyrna” ulttyq portaly.
Sot sheshimi boıynsha Gúlmıra Satybaldy - 12 jylǵa, Mádı Batyrshaev toǵyz jylǵa bas bostandyǵynan aıyryldy.
Gúlmıra Satybaldy Qylmystyq kodekstiń birqatar baby boıynsha aıyp taǵyldy: adamdy zańsyz bas bostandyǵynan aıyrý, bopsalaý.
Onyń júrgizýshisi Mádı Batyrshaevty da zańsyz bas bostandyǵynan aıyrdy dep aıyptady. Sotta prokýror Satybaldy 13 jyl, al Batyrshaevty 9 jyl bas bostandyǵynan aıyrýdy surady.
Sottalýshylar men olardyń advokattary sottan olardy aqtaýdy surady. Satybaldy ortasha qaýipsizdik mekemesinde 12 jyl jazasyn óteıdi. Onyń kómekshisi - Batyrshaevqa toǵyz jyl berildi.
Sot sottalǵan Satybaldydan jábirlenýshi J.-nyń paıdasyna 2,6 mlrd teńge materıaldyq shyǵyn, sonymen qatar 10 mln teńge moraldyq shyǵyn, sottalǵan Batyrshaevtan 2 mln teńgeni óndirdi.
Aıta ketsek, buǵan deıin Gúlmıra Satybaldy qylmystyq kodekstiń 28-baby, 125-babynyń 2-bóligi 1 jáne 8 tarmaǵy boıynsha kináli dep tanylyp, 7 jylǵa bas bostandyǵynan aıyrylǵan edi. Sot úkimi 4 mamyrda shyqqan.
