Aqtaý turǵyndaryn sapaly aýyz sýmen qamtamasyz etý maqsatynda «Kaspıı» zaýytynda sý tuytatyn úsh qondyryǵynyń bireýin qosýǵa daıyndyq jumystary júrip jatyr.
Bul jumystarǵa jaýapty merdiger mekeme - «Kaspıan Konstrýktors Trast» kompanııasy.
Merdiger mekemeniń jumysty kesheýildetýine baılanysty, qondyrǵyny iske qosýda irkilis boldy. Merdiger kompanııa basshylary qarasha aıynyń sońyna deıin 10 000 tekshe metrlik qondyrǵyny iske qosýǵa ýáde berip otyr.
Jalpy zaýytty modernızaııalaý jumystary úsh jyldan beri júrgizilýde. Joba boıynsha zaýyttyń óndiristiń qýatyn 40 000 m3-qa deıin arttyrý kózdelgen.
-Tehnologııalyq tártipke sáıkes, qondyrǵylardy iske qosqannan keıin, on kúndeı sý daıyndalady. Onyń ishinde qosý-retteý jáne zalalsyzdandyrý jumystary bar. Bekitilgen josparǵa sáıkes, qalaǵa 20 qarasha kúni birinshi 5000 m3 sý beriledi. Al qarasha aıynyń sońyna deıin zaýyt qondyrǵy arqyly 10 000 m3-qa jýyq sýdy berýdi josparlanyp otyr, - dedi «Kaspıı» sý tuytý zaýyty JShS dırektory Serik Gýsman.
Sondaı-aq, Aqtaýda Quıylys ken ornynan «Kaspıı» sý tuytý zaýytyna deıingi uzyndyǵy 47 shaqyrym sý qubyry salynýda. Merdiger mekeme – «Alıans LTD» JShS. Qurylys jumystaryna 15 arnaıy tehnıka jáne 32 qyzmetker jumyldyryldy. Atalǵan joba qaladaǵy aýyz sý jetispeýshiligi máselesiniń rettelýine septigin tıgizedi.
-Quıylys ken ornynan «Kaspıı» sý tuytý zaýytyna deıingi uzyndyǵy 47 shaqyrym, dıametrleri 900 mm quraıtyn sý qubyry salynýda. Jumystar qarqyndy júrgizilýde. Atalǵan jumystar aıaqtalǵannan keıin, jartylaı ýchaskesinde qubyrdy sýmen toltyrýǵa qoıatyn bolamyz, - dedi oblystyq energetıka jáne TKSh basqarmasynyń bólim basshysy Anvar Týlıakov.
Sonymen qatar, Aqshuqyr aýylynda ornalasqan «Aqtaý» sý tuytý zaýyty da qala turǵyndaryn qosymsha sýmen qamtamasyz etýde.
«Aqtaý» sý tuytý zaýytynyń qurylysy jeke ınvestor tarapynan 2020 jyly bastalǵan bolatyn. Zaýyt 2023 jyldyń naýryz aıynda qoldanysqa berildi.
-Atalǵan zaýyt táýligine 5 000 m3 aýyz sý óndiredi. Zaýyt óndirgen aýyz sýdy OSJT-4 arqyly qalanyń joǵary shaǵyn aýdandaryna beredi, - dedi oblystyq energetıka jáne TKSh basqarmasynyń sýmen jabdyqtaý jáne sý burýdy damytý bóliminiń bas mamany Júsip Muhamed.
Jalpy Aqshuqyr jáne Saıyn Shapaǵatov aýyly osyǵan deıin OSJT-4 arqyly «MAEK» JShS jáne «Aqtaý» sý tuytý zaýyty arqyly aýyz sýmen qamtamasyz etilgen bolatyn. Bıyl jaz aılarynda Saıyn Shapaǵatov aýylynda qýattylyǵy táýligine 4 000 m3 aýyz sý óndiretin qondyrǵy ornatyldy. Búginde Aqshuqyr jáne Saıyn Shapaǵatov aýyly atalǵan qondyrǵy arqyly aýyz sýmen qamtamasyz etilýde. Bul óz kezeginde bosaǵan sý kólemin Aqtaý qalasyna burýǵa múmkindik berdi.
