Qazaqstan prokýratýrasy elden mıllıondaǵan teńge qarajatty jymqyryp, qashqan azamattyń ustalǵanyn málimdedi, dep habarlaıdy "Adyrna" ulttyq portaly.
Bul týraly Bas prokýratýra málimdedi.
9 qarasha kúni Bas prokýratýra Qazaqstan Respýblıkasynyń Stokgolmdegi elshiliginiń qoldaýymen Shveııa Koroldiginen Qazaqstan azamatyn asa iri kólemde bótenniń múlkin jymqyrǵany úshin qylmystyq jaýapkershilikke tartý maqsatynda ekstradıııalady. Tergeý nusqasy boıynsha, kúdikti 2015 jyldan 2020 jylǵa deıin Shymkenttegi saýda ortalyǵynda jumys isteı júrip, shamamen 57 mıllıon teńge qarajatty jymqyryp úlgergen.
Qylmysker jasyrynyp, halyqaralyq izdeý jarııalanǵan. Bıyl aqpanda kúdikti Shveııada ustalǵan bolatyn.
Qazaqstan Respýblıkasynyń Bas prokýratýrasynyń suraýy boıynsha ol Qazaqstanǵa ekstradıııalanyp, qazirgi ýaqytta Astana qalasyndaǵy tergeý ızolıatorynda otyr.
Bul qylmys úshin 7 jyldan 12 jylǵa deıin bas bostandyǵynan aıyrý jazasy kózdelgen, sonymen qatar múlikti tárkileý jáne 10 jylǵa deıin belgili bir laýazymdardy atqarýǵa nemese belgili bir qyzmet túrlerimen aınalysý quqyǵynan aıyrý jazasy qarastyrylǵan.
