Semei qalasynda ūlttyq ziiatkerlık oiyndardy därıpteuge baǧyttalǧan «Abaidyŋ ziiatkerlık ızımen» toǧyzqūmalaq üiırmesı öz jūmysyn bastady. Üiırme Abai oblysynyŋ Qoǧamdyq kelısım ortalyǧy men öŋırlık toǧyzqūmalaq federasiiasynyŋ bırlesuımen aşyldy.
Toǧyzqūmalaq — halqymyzdyŋ san ǧasyrlyq mūrasynan oryn alǧan, oilau qabıletın jetıldıretın ziiatkerlık oiyn. Ol esepke jüirık boludy, aldaǧy qadamdy aldyn ala saralaudy jäne taktikalyq şeşım qabyldaudy qalyptastyrady.
Üiırmenıŋ aşylu räsımı oblystyq Dostyq üiınde öttı. Şara Qazaqstan Respublikasy Prezidentınıŋ Jarlyǧymen bekıtılgen Qazaqstan halqy Assambleiasyn 2030 jylǧa deiın damytu tūjyrymdamasynda körsetılgen jastardyŋ oi-örısın keŋeitu jäne qoǧamdyq kelısımdı nyǧaitu mındetterı aiasynda ūiymdastyryldy.
Üiırmenı täjıribelı jattyqtyruşy Leonid Parfiev jürgızedı. Onyŋ aituynşa, ol toǧyzqūmalaqpen 2000 jyldan berı ainalysyp keledı.
2016 jyldan bastap sport mektebınde käsıbi jattyqtyruşy retınde jūmys ıstedım. Soŋǧy jyldary şäkırtterım halyqaralyq jarystarda joǧary nätijelerge qol jetkızgen. Atap aitqanda, ötken jyldyŋ qaraşa aiynda Malika Äsemhanova älem chempiony atanǧan, - dedı jattyqtyruşy.
Is-şara barysynda Ardagerler keŋesınıŋ töraǧasy Mūratqazy Alin üiırmenıŋ tärbielık maŋyzyna toqtaldy.
– Üstel oiyndary ülkenderge ǧana arnalǧan degen tüsınık dūrys emes. Toǧyzqūmalaq — jastar men balalardyŋ oilau jüiesın damytatyn maŋyzdy qūral. Būl oiyn Abaidyŋ özı erekşe män bergen ziiatkerlık mūranyŋ bırı, – dedı ol.
Jiynǧa Qazaqstan halqy Assambleiasynyŋ müşelerı, Assambleia jastary jäne etnomädeni bırlestıkterdıŋ ökılderı qatysty.
Üiırmenıŋ basty maqsaty — ūlttyq ziiatkerlık oiyndardy keŋınen nasihattau ǧana emes, sonymen qatar etnosaralyq tatulyqty nyǧaityp, ortaq qyzyǧuşylyq negızınde jastardy bırıktıru. Toǧyzqūmalaq adal bäsekenı därıptep qana qoimai, jastardyŋ bır-bırımen jaqyn aralasyp, ortaq ıske ūiysuyna mümkındık beredı.
