Ýkraına prezıdenti Vladımır Zelenskıı AQSh prezıdenti saılaýynda jeńiske jetken Donald Tramppen tyǵyz dıalog ornatýǵa kelisken, dep habarlaıdy "Adyrna" ulttyq portaly.
Ýkraına basshysy X áleýmettik jelisindegi jazba jarııalady. Zelenskıı Respýblıkalyq partııadan saılanǵan AQSh-tyń 47-prezıdenti Donald Trampty telefon arqyly quttyqtaǵanyn habarlady.
Zelenskıı áńgime óte sátti ótkenin aıtyp, respýblıkashyldardyń jeńisin «tarıhı jáne senimdi» dep atady.
«Onyń keremet saılaýaldy kampanııasy osyndaı nátıjege qol jetkizýge múmkindik berdi. Biz tyǵyz dıalog ornatýǵa jáne yntymaqtastyǵymyzdy damytýǵa kelistik. AQSh-tyń myqty jáne nyq kóshbasshylyǵy álemdik qaýymdastyq pen ádiletti beıbitshilik úshin mańyzdy», – dep jazdy Zelenskıı.
Ýkraına prezıdenti Trampty 6 qarasha kúni tańerteń quttyqtap, onyń ǵalamdyq máselelerde «kúsh arqyly beıbitshilik» tásilin ustanýyn joǵary baǵalaıtynyn aıtqan bolatyn.
Zelenskııdiń pikirinshe, bul tásil Ýkraınadaǵy ádiletti beıbitshiliktiń ornaýyna yqpal etýi múmkin.
